سرینگر/قومی تحقیقاتی ایجنسی، این آئی اے نے منگل کی صبح حریت کانفرنس (ع) کے چیئر مین میر واعظ عمر فاروق کی رہائش گاہ واقع، نگین سرینگر پر چھاپہ مارا اور تلاشی لی۔
این آئی اے نے فریڈم پارٹی سربراہ شبیر شاہ کے گھر پر بھی چھاپہ مارا اور تلاشی لی۔
ذرائع کے مطابق این آئی اے کی ٹیم پولیس اور دیگر فورسز کے ہمراہ نگین پہنچی اورمیرواعظ کی رہائش گاہ کی تلاشی لی۔
میرواعظ کے گھر پرتلاشی کا سلسلہ آخری اطلاعات ملنے تک جاری تھا۔
چھاپے کے وقت پورے علاقے کو محاصرے میں لیا گیا اور کسی کو بھی وہاں سے گذرنے کی اجازت نہیں دی گئی۔
قابل ذکر ہے کہ شبیر شاہ گذشتہ ڈیڑھ سال سے تہار جیل میں مقید ہیں۔
انہیں ای ڈی نے جولائی 2017میں گرفتار کرلیا تھا۔
