میجر دھیان چند اسپورٹس یونیورسٹی | وزیر اعظم مودی آج میرٹھ میںسنگ بنیاد رکھیں گے

میرٹھ// اتر پردیش کے میرٹھ کے سلاوا میں بننے والی میجر دھیان چند اسپورٹس یونیورسٹی کو فن تعمیر کے ناگر انداز میں تعمیر کرکے سومناتھ مندر کی شکل دی جائے گی۔ وزیر اعظم نریندر مودی اتوار کو اس یونیورسٹی کا سنگ بنیاد رکھیں گے ۔موصولہ اطلاعات کے مطابق اس یونیورسٹی کا ڈیزائن تیار کرنے والی کمپنی ‘ڈی ڈی ایف کنسلٹنٹ’کو وزیر اعلیٰ یوگی آدتیہ ناتھ نے سومناتھ مندر کی شکل دینے کو کہا تھا۔ جس کے بعد اس کے فن تعمیر کو گہرائی سے غور و فکر کرکے ناگر طرز کا انتخاب کیا گیا۔ واضح کونارک کا سوریہ مندر، گجرات کا سومناتھ مندر اور پوری کا جگناتھ مندر ناگرا انداز میں بنایا گیا ہے ۔ہاکی کے جادوگر میجر دھیان چند کا ہاکی کھیلتے ہوئے مجسمہ یونیورسٹی کے داخلی دروازے پر نصب کیا جائے گا جو اسے شاندار شکل دے گا۔ اس کے علاوہ انتظامی عمارت، لائبریری اور اسٹیڈیم کو بھی مندر کی شکل دینے والے فن تعمیر کی بنیاد پر ڈیزائن کیا گیا ہے ۔ جبکہ کچھ دیگر عمارتوں کو ہاکی، فٹ بال اور شوٹنگ وغیرہ کے نوادرات سے آراستہ کیا جائے گا۔ مقام انعقاد گنگا نہر کے قریب ہونے کی وجہ سے پورے کیمپس کو درختوں اور پودوں سے بھر دیا جائے گا تاکہ اسے ماحول دوست بنایا جا سکے ۔وزیر اعظم مودی کے دورہ میرٹھ کے پیش نظر مقامی انتظامیہ نے سیکورٹی کے سخت انتظامات کیے ہیں۔مسٹر مودی اتوار کو ہیلی کاپٹر سے دہلی سے روانہ ہوں گے اور تقریباً ایک بجے میرٹھ میں سلاوا کے مقام پر پہنچیں گے ۔ اس دوران وہ اتر پردیش کی گورنر آنندی بین پٹیل اور وزیر اعلیٰ یوگی آدتیہ ناتھ کی موجودگی میں میجر دھیان چند اسٹیٹ اسپورٹس یونیورسٹی کا سنگ بنیاد رکھیں گے ۔ مودی دوپہر ایک بجے سے 2.15 بجے تک پنڈال میں موجود رہیں گے ۔ دوپہر تقریباً 2.30 بجے مودی میرٹھ سے دہلی کے لیے روانہ ہوں گے ۔