نئی دہلی// ملک میں گذشتہ 24 گھنٹوں کے دوران کورونا وائرس کے تقریبا 20 ہزار نئے کیسز رپورٹ ہوئے ہیں ، تاہم یہ راحت کی بات ہے کہ اسی عرصے کے دوران اس موذی وبا سے شفایاب ہونے والے مریضوں کی تعداد 23 ہزار سے زیادہ تھی۔ مرکزی وزارت صحت کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران ملک میں 20036 نئے کیسز رپورٹ ہوئے جس سے کورونا متاثرین کی مجموعی تعداد ایک کروڑ دو لاکھ 86 ہزار سے تجاوز کرگئی ہے۔ اسی کے ساتھ ہی 23181 مریضوں کی شفایابی سے صحت مند مریضوں کی تعداد 98.83 لاکھ ہوگئی اور یہ شرح 96.08 فیصد ہے۔ ایکٹیو کیسز کی تعداد 3402 سے گھٹ کر 2.54 لاکھ رہ گئی اوریہ شرح 2.47 فیصد ہے۔ اسی عرصے میں 256 مریضوں کی موت کے ساتھ ملک میں کورونا سے ہلاک ہونے والوں کی مجموعی تعداد 148994 ہوگئی اور اس کی شرح اب بھی 1.45 فیصد ہے۔کیرالہ میں گزشتہ 24 گھنٹوں کے دوران کورونا کے ایکٹیو کیسز کی تعداد 191 سے گھٹ کر 65381 رہ گئی ہے۔ اسی کے ساتھ ہی ہلاک شدگان کی تعداد 3072 اور اور جان لیوا وبا سے شفایابی حاصل کرنے والے مریضوں کی تعداد 6.92 لاکھ سے زائد ہوگئی ہے۔
ملک میں کورونا کے 20ہزار نئے کیسز | 23ہزار سے زائد شفایاب
