معیشت کو پٹری پرلانا ضروری:مودی | نجی شعبہ کے ذریعہ سرمایہ کاری بڑھانے کی اپیل

 نئی دہلی// وزیراعظم نریندرمودی نے ہفتے کو نجی شعبہ سے سرمایہ کاری بڑھانے کی اپیل کی اور نئے زرعی قوانین کا بچاؤکرتے ہوئے کہا کہ ان کا فائدہ اب کسانوں کو ملنے لگا ہے ۔ مودی نے صنعتی تنظیم ایسوچیم کے قیام کے سو سال پورے ہونے کے موقع پر اسٹیبلشمنٹ ویک کی تقریب سے ویڈیو کانفرنسنگ کے ذریعہ خطاب کرتے ہوئے کہا کہ آج ہندوستانی معیشت پر دنیا کو بھروسہ ہے ۔کووڈ 19کی وبا کے دوران ہندوستان میں ریکارڈ غیر ملکی سرمایہ کاری آئی ہے لیکن ساتھ ہی گھریلو صنعتوں کے ذریعہ نجی سرمایہ کاری بھی بڑھانے کی ضرورت ہے خصوصاً تحقیق اور ترقی پر سرمایہ کاری بڑھانا ضروری ہے ۔وبا کی وجہ سے سرکاری وسائل پربڑھے دباؤ کے درمیان معیشت کو پٹری پرلانے کے لئے نجی شعبہ کے ذریعہ سرمایہ کاری بڑھانا ضروری ہے ۔دوسری طرف نجی شعبہ پر بھی وبا کی مار پڑی ہے جس سے نجی سرمایہ کاری بڑھانا بڑا چیلنج بھی ہے ۔انہوں نے کہا کہ‘‘ہندوستنا میں آر اینڈ ڈی (تحقیق و ترقی) پر سرمایہ کاری بڑھائے جانے کی بہت ضرورت ہے ۔امریکہ میں آر اینڈ ڈی پر 70 فیصد سرمایہ کاری نجی شعبہ کے ذریعہ ہوتی ہے جبکہ اپنے ملک میں 70 فیصد سرمایہ کاری حکومت کے ذریعہ ہوتی ہے ۔وزیراعظم نے کہا کہ ملک میں آر اینڈ ڈی پر نجی سرمایہ کاری ہوتی ہے اس کا ایک بڑا حصہ آئی ٹی،فارما اور ٹرانسپورٹ کے شعبہ تک محدود ہے ۔