سرینگر// جموں کشمیر کے مفتی اعظم مفتی ناصر الاسلام کی صدارت میں سید منظور احمد کرمانی کی وفات پر جموں میں ایک تعزیتی اجلاس منعقد ہوا۔ جس میں مسلم پرسنل لاء بورڈ کے سیکریٹری سید منظور احمد کرمانی کو خراج تحسین پیش کیا گیا۔ ویڈیو کانفرنسنگ کے ذریعے سرینگر سے اس اجلاس میں دیگر بورڈ ممبران نے شرکت کی۔ مفتی اعظم نے مرحوم کرمانی کی وفات کو ایک بڑا نقصان قرار دیا۔ انہوں نے سوگوار خاندان کے ساتھ اپنے تعزیتی پیغام میں کہا کہ منظوراحمد کرمانی کا انتقال مسلم پرسنل لاء بورڈ کے ہر فرد کے لئے نقصان ذاتی نوعیت کا ہے۔وہ اخلاقیات کا درس دیتے رہے اور بے راہ روی کے خلاف زبردست مہم بھی چلائی جس کا اثر دیر پا رہے گا۔ جن دوسرے افراد نے اس اجلاس میں سرینگر سے ویڈیو کانفرنسنگ کے ذریعے شرکت کی اْن میں بشیر احمد کنٹھ ، غلام احمد ایاز، غلام حسن فردوسی ،سید عبدالطیف،میر مشتاق احمد ،سید محمد اسلم اندرابی ،خالق حنیف ، محمد نورانی نقشبندی، پروفیسر محمد یاسین کرمانی ، غلام احمد قریشی ، سید شبیر گیلانی، ایڈوکیٹ محمد یاسین ویلگام، محمد نعیم خان ،ایڈوکیٹ عبدالغنی چوگل،قاضی خورشید احمد، ناظم نذیر،ایڈوکیٹ سید میرغلام نبی ، انجینئر لون عبدالاحد ، عبدالخالق شمناگ، فیاض احمد کبو، ایڈوکیٹ داؤد احمد،ایڈوکیٹ میر جاوید شمناگ،ایڈوکیٹ وسیم گلزار شمناگ،شکیل احمد لون اورایڈوکیٹ رئیس احمد شریک ہوئے۔جن افراد نے جموں میں شرکت کی ان میں ایڈوکیٹ حاجی عبدالمجید ، پیر زادہ محمد امین شاہ، پیرزادہ محمد شفیع ، پیر زادہ شمس الدین ، بخشی غلام حسن ، قاری علی حسین رام بن، مولانا طارق حسین بٹوٹ، مفتی نذیر احمدقادری ، مولانا عبدالغنی خان، مولانا مظفر حسین رضوی، مولانا رفیق اورمولانا عارف کے علاوہ دیگر افراد نے شرکت کی۔ حقانی میموریل ٹرسٹ نے معروف عالم دین مولانا منظور احمد کرمانی کے انتقال پر تعزیت کا اظہار کیا ہے۔ ٹرسٹ کے سرپرست اعلیٰ سید حمید اللہ حقانی نے انکی وفات پر دکھ کا اظہار کرتے ہوئے مرحوم کی مغفرت اور لواحقین کیلئے صبر جمیل کی دعا کی ہے۔ نیشنل کانفرنس صدر ڈاکٹر فاروق عبداللہ نے معروف عالم الدین منظور احمد کرمانی کی حادثاتی موت پر گہرے صدمے کا اظہار کیا ہے۔ انہوں نے مرحوم کو خراج عقیدت پیش کرتے ہوئے کہا کہ مرحوم نے زندگی بھر دین کی خدمت کی اور اُن کی رحلت سے ایک بڑا نقصان ہواہے۔ اس دوران پارٹی کے نائب صدر عمر عبداللہ، جنرل سکریٹری علی محمد ساگر، صوبائی صدر ناصر اسلم وانی، سینئر لیڈران محمد شفیع اوڑی، چودھری محمد رمضان ،محمد اکبر لون، میر سیف اللہ اور قیصر جمشید لون نے بھی تعزیت کا اظہار کیا جبکہ پارٹی کے سینئر لیڈر شریف الدین شارق سمیت کئی پارٹی عہدیداران اور کارکنان نے موصوف کی نماز جنازہ میں شرکت کی۔ سی پی آئی (ایم) کے رہنما محمد یوسف تاریگامی نے گذشتہ روز کٹھوعہ میں ایک سڑک حادثے میں جاں بحق ہونے والے معروف اسلامی اسکالر منظور احمد کرمانی کی موت پر رنج و غم کا اظہار کیا ہے۔
معروف عالم دین منظور احمدکا انتقال
