معروف سنار کی ہلاکت

سرینگر// سابق وزرائے اعلیٰ عمر عبداللہ اور محبوبہ مفتی نے جمعرات کی شام سرائے بالا سرینگر علاقے میں نامعلوم اسلحہ برداروں کے ہاتھوں ایک معروف سنار کی ہلاکت کی پر زور مذمت کی ۔ عمر عبد اللہ نے اس واقعے کی مذمت کرتے ہوئے جمعہ کو اپنے ایک ٹویٹ میں کہا’’انتہائی افسوس ناک اور بدقسمتی کی بات ہے، اس قسم کے تشدد کا کوئی جواز ہی نہیں ہوسکتا ہے ، مرحوم کی روح کے سکون اور پسماندگان کے صبر جمیل کے لئے دست بدعا ہوں‘‘۔محبوبہ مفتی نے اپنے ایک ٹویٹ میں رد عمل ظاہر کرتے ہوئے کہا’’ ایک بے گناہ شخص کی بہیمانہ ہلاکت کی مذمت کرتی ہوں، ایک مہذب معاشرے میں تشددکیلئے کوئی جگہ نہیں ہوتی ، پسماندگان کو تعزیت و تسلیت پیش کرتی ہوں‘‘۔