مشیر بصیر خان کا دارا فقیر گجری کا دورہ

سرینگر//لیفٹیننٹ گورنر کے مشیر بصیر احمد خان نے کووڈ 19 انتظامات کا جائزہ لینے کیلئے دارا فقیر گجری سرینگر کا دورہ کیا اور علاقے میں جاری دیہی ترقیاتی کاموں کا معائنہ کیا ۔ اپنے دورے کے دوران مشیر نے بلاک ڈیولپمنٹ کونسل اور ضلعی ترقیاتی کونسل کے ممبروں سے بھی بات چیت کی اور انہیں درپیش مسائل سُنے ۔ پی آر آئی ممبروں سے بات چیت کرتے ہوئے مشیر نے کہا کہ آج کے دورے کا مقصد اسٹیک ہولڈرز کے ساتھ بات چیت کرنا ہے جو کووڈ 19 وبائی امراض کے خلاف جنگ لڑنے میں اہم ہیں ۔ انہوں نے کہا کہ سول سوسائٹی اور مذہبی رہنماؤں سمیت دیگر سماجی تنظیموں کے ساتھ مل کر انتظامیہ کی جانب سے شروع کی جانے والی فعال طرز عمل نے مثبت واقعات کو کافی حد تک کم کیا ہے ۔ انہوں نے کہا کہ پی آر آئی ممبران کی ذمہ داری عائد ہوتی ہے کہ وہ لوگوں کو کووڈ مناسب برتاؤ کے بارے میں آگاہ کریں اور کہا کہ انہیں اس سلسلے میں عملی طور پر چلنے کی ضرورت ہے ۔ انہوں نے کہا کہ 45 سال سے زیادہ عمر کی ویکسی نیشن کروانے کیلئے واضع اور دوٹوک ہدایات ہیں اور اس سلسلے میں ویکسی نیشن مہم میں تیزی لانے کی ضرورت ہے ۔ مشیر نے مزید کہا کہ معمول کی زندگی کا دوبارہ آغاز ویکسی نیشن کی تکمیل کے ماتحت ہے اور کہا کہ زیادہ تر لوگوں کو ٹیکے لگانے کیلئے تمام لائین ڈیپارٹمنٹ کو قریبی ہم آہنگی سے کام کرنا چاہئے ۔ مشیر سے بات چیت کے دوران پی آر آئی ممبران نے عوامی اہمیت کے متعدد امور کو اجاگر کیا جیسے دارا اور فقیر گُجری میں کنڈکٹر کو بڑھاوا ، ناگبل اور آستان محلہ میں سڑک پر میکڈم بچھانے اور کمار محلہ کِمبر میں 250 کے وی ٹرانسفارمر کا مطالبہ شامل ہے ۔ مشیر نے ممبروں کے ذریعے اٹھائے گئے تمام امور کی سماعت کی اور ان کے حقیقی مطالبات اور امور کو جلد از جلد حل کرنے کی یقین دہانی کرائی ۔ اپنے دورے کے دوران مشیر نے گورنمنٹ ہائی اسکول درہ بی اور نیو ٹائپ پبلک ہیلتھ سنٹر فقیر گُجری کے کووڈ کئیر سنٹر کا بھی دورہ کیا اور مریضوں کو دستیاب سہولیات اور ٹیکے لگانے کے کام کا جائیزہ لیا ۔ انہوں نے افسران پر زور دیا کہ وہ ویکسی نیشن مہم کو تیز کریں ۔ مشیر بصیر خان نے دارا اور فقیر گُجری میں دیہی ترقیاتی کاموں کا معائینہ کرتے ہوئے کہا کہ دیہی معاشرے کی مجموعی بہتری کیلئے دیہی بنیادی ڈھانچے کو زیادہ سے زیادہ استعمال میں رکھنا چاہئیے ۔ انہوں نے کہا کہ منظوری سے قبل کاموں کو مناسب طور پر سوچنا چاہئیے اور منصوبوں کو آسانی سے انجام دینے کیلئے مستقل بنیادوں پر کاموں کی کڑی نگرانی ہونی چاہئیے ۔ مشیر نے منریگا کے تحت درہ بی پر سڑک کی تعمیر ، کلسٹر ماڈل ولیج کے تحت فقیر گُجری بی میں قبرستان کی ترقی اور مختلف منصوبوں کے تحت دیگر کاموں سمیت جاری کاموں کا معائینہ کیا۔ مشیر نے متعلقہ بلاک ڈیولپمنٹ آفیسر کو ہدایت دی کہ وہ کاموں کا روزانہ کی بنیاد پر معائینے کے یقینی بنائیں تا کہ کام کے معیار کو برقرار رکھا جا سکے ۔ مشیر نے ہری پورہ ہارون گرڈ سٹیشن کا بھی دورہ کیا اور افسران کو ہدایت دی کہ وہ اپنی کوششیں تیز کریں تا کہ گرڈ سٹیشن مقررہ مدت کے اندر مکمل ہو سکے ۔