سرینگر // سرینگر اور کپوار میں مزید 9علاقوں کو محدود پابندی والے علاقوں کے زمرے میں شامل کیا گیا ہے اور اسطرح کشمیر میں ابتک 80علاقوں کو محدود پابندی والے علاقوں کے زمرے میں لایا گیا ہے۔ ڈی سی سرینگر نے اتوار کو اپنے ٹیوٹ میں لکھا ہے کہ پچھلے 3دنوں کے دوران ان علاقوں میں 50سے زائد افراد کی رپورٹیں مثبت آئی ہیں۔ ان علاقوں میں رعناواری، ڈلگیٹ، صورہ ، بژہ پورہ اور لال بازار شامل ہے ۔ اس طرح ضلع سرینگر میں ابتک 33علاقوں کو محدود پابندی والے علاقوں کے زمرے میں شامل کیا گیا ہے۔ ان میں کشمیر یونیورسٹی کے مین کیمپس ، شیخ العالم کالونی ( حیدرپورہ) ، ہمدانیہ کالونی سیکٹر 5بمنہ، ایچ آئی جی کالونی لین نمبر 3بمنہ، عثمانیہ کالونی بمنہ، بی بی کینٹ بادامی باغ، بیگ محلہ آلوچی باغ ، مخدوم محلہ بٹہ پور،نواب باغ نزدیک بہرار اسپتال لال بازار، لین نمبر 1عمر کالونی (ائے )لال بازار نذدیک رہ مسجد، عمر کالونی( اے) لال بازار لین نمبر 3نزدیک جی ڈی گوائنکا سکول ، زند شاہ مسجد کاٹھی دروازہ ، سنگین دروازہ ہاکہ بازار،گلشن محلہ عثمان آباد حولوازہ باغ حیدرپورہ، ستھرا شاہی نزدیک حول ، ستھر ا شاہی نزدیک سیول سیکریٹریٹ،ایس ڈی اے کالونی بٹہ مالو نزدیک ٹیلنٹ سکول، قمر آباد بمنہ نزدیک صدیق لین ابو بکر مسجد بمنہ نام کے علاقے شامل ہیں۔ کپوارہ کے 4علاقوں کو محدود پابندی والے علاقوں میں شامل کیا گیا ہے جن میں گوس ، شاہلورہ تیلی محلہ ، درد سن کرالہ پورہ اور بنہ پورہ ترہگام شامل ہے۔ ادھر جنوبی کشمیر کے اننت ناگ ضلع میں بھی سنیچر کو 6علاقوں کو محدود پابندی والے علاقوں کے زمرے میں زامل کیا گیا ہے جن میں پنگوانی تراپو، کادی پورہ، ہاجی دنتر، میر دنتر، سرہامہ بجبہاڑہ، خان محلہ شانگس شامل ہے۔ اس سے قبل بارہمولہ ضلع میں 35علاقوں کو محدود پابندی والے علاقوں کے زمرے میں شامل کیا گیا ہے جن میںسوپور میں10، ٹنگمرگ میں 4،پٹن میں 2اور مین بارہمولہ میں 19علاقوں کو محدود پابندی والے علاقے میں شامل کیا گیا ہے۔ سوپور میں 10علاقوں جن میں آرم پورہ، بومئی ،وارپورہ، جلال آباد،چھنہ کھن،برتھ کلان، اچھ بل، نائو پورہ، سنگرامہ، تار، کے 2علاقوں میںڈار محلہ پلہالن، بٹ محلہ وائلو شامل ہیں۔ٹنگمرگ کے 4محدود پابندیوں والے علاقوں میں فیروز پورہ،سونلی پورہ، اقبال کالونی، کھار پورہ ،باررہمولہ کے شیری میڈیکل بلاک کے تحت آنے والے علاقوں میں خوجہ محلہ اور رنگوار کے متعلقہ علاقے، کانلی باغ(مائکرو وئے)، نور باغ شیری اور کنٹھ باغ شیری سے تعلق رکھتے ہیں۔ اس سے قبل 19 کو بارہمولہ کے خواجہ باغ لوور( پیٹرول پمپ سے جٹی تک) ، چیک کانسپورہ، سنگری کالونی، دیوان باغ، دلنہ( قاضی محلہ، راوت پورہ، دلنہ گھاٹ اور ملت کالونی) ، شیروانی کالونی اور لون محلہ فیروز پور شامل ہیں ۔
مزید 9علاقوں میں پابندیاں | تعداد 33 تک پہنچ گئی
