مزید خبریں

 عاصف بٹ

کشتواڑ//دورافتادہ علاقوںکی غریب عوام کو سہولیات فراہم کرنے و رشوت خوری کے معاملات پر روک لگانے کی غرض سے بلاک ڈیولپمنٹ افسر اندروال نے قدم اٹھاتے ہوئے انتظامیہ کو فور ی طور مطلع کرنے کی تاکید کی ہے۔ان علاقہ جات سے مسلسل شکایات موصول ہورہی تھیں کہ غریب عوام سے آواس پلس یوجنا کے تحت مکانات کی تعمیر کیلئے رقومات مانگی جاتی ہیں۔نئے بلاک ڈیولپمنٹ افسر تسلیم وانی نے بتایا کہ چارج سنبھالنے کے بعد ہی مسلسل انھیں شکایتیں موصول ہورہی تھیں جس کا سنجیدہ نوٹس لیتے ہوئے انہوں نے عوام کو آگاہ کیا کہ اگر کوئی بھی شخص ان سے مکان کیلئے رقومات مانگتا ہے تو وہ انھیں فوراًاس متعلق مطلع کریں اور اس شخص کے خلاف قانونی کاروائی عمل میں لائی جائیگی۔ مقامی لوگوں نے بلاک افسر کے اس قدم کا خیرمقدم کیا اور کہاکہ اسطرح سے رشوت لینے والوں پر روک لگائی جاسکے گی اور غریب عوام کو ان کا حق مل پائے گا۔

 

اشتیاق ملک 

ڈوڈہ //بٹوت کشتواڑ قومی شاہراہ پر پیش آئے سڑک حادثہ میں 1 شخص زخمی ہوا ہے۔. اطلاعات کے مطابق منگل کی صبح صبح ساڑھے سات بجے کے قریب جموں سے ٹھاٹھری آرہے ٹرک زیر نمبری JK02CQ-7604 مہلوری کے نزدیک حادثہ کا شکار ہو کر سو فٹ نیچے کھائی میں جا گرا جس کے نتیجے میں ڈرائیور سمیر احمد شدید زخمی ہوا۔اس حادثہ کے فوراً بعد سیکورٹی فورسز، مقامی لوگ و پولیس کی ٹیم موقع پر پہنچی اور زخمی شخص کو گورنمنٹ میڈیکل کالج ڈوڈہ منتقل کیا جہاں پر اس کی حالت خطرے سے باہر بتائی جارہی ہے۔

 

 

کشتواڑ // ڈسٹرکٹ ڈیولپمنٹ کمشنر (ڈی ڈی سی) کشتواڑ اشوک شرما نے ڈسٹرکٹ لیول ریویو کمیٹی (ڈی ایل آر سی) اور ڈسٹرکٹ کنسلٹیٹیو کمیٹی (ڈی سی سی) کے اجلاس میں بینکوں اور متعلقہ محکموں کی سیکٹر وار کارکردگی کا جائزہ لیا۔میٹنگ کے دوران سالانہ کریڈٹ پلان (اے سی پی) اور دیگر انفرادی فائدہ اٹھانے والی اسکیموں کے حوالے سے ترجیحی اور غیر ترجیحی شعبوں میں کامیابیوں پرمفصل بحث ہوئی۔شروع میںلیڈ ڈسٹرکٹ منیجر (ایل ڈی ایم) نے کہا کہ ضلع نے سالانہ ڈسٹرکٹ کریڈٹ پلان کے تحت 79 کروڑ روپے ، ترجیحی شعبے کے تحت 57 کروڑ روپے اور غیر ترجیحی شعبے میں 22 کروڑ روپے ایڈوانس ریکارڈ کیے ہیں۔ڈی ڈی سی کشتواڑ نے بینکوں اور لائن ڈیپارٹمنٹس کے سربراہوں پر زور دیا کہ وہ ضلع کے غریب اور بے روزگار نوجوانوں کو مختلف حکومتوں کے تحت بروقت ایڈوانس حاصل کرنے کی سہولت فراہم کریں۔انہوں نے بینک کے عہدیداروں سے مزید کہا کہ وہ بے روزگار نوجوانوں اور معاشرے کے غریب طبقات میں مختلف فلاحی  سکیموں کے بارے میں بڑے پیمانے پر آگاہی پھیلانے کے لیے لائن ڈیپارٹمنٹس کے ساتھ تعاون کریں اور لوگوں کو سوشل سکیورٹی سکیموں کے بارے میں آگاہ کریں اور اس طرح کی اسکیموں کے تحت زیادہ سے زیادہ مستحقین کا اندراج کریں۔ ڈی سی نے متعلقہ بینک کے نمائندوں اور لائن ڈیپارٹمنٹس کے سربراہوں سے کہا کہ وہ تفصیلی رپورٹ کمیٹی کو پیش کریں کہ مختلف اسکیموں کے تحت بعض کیسز کو کیوں مسترد کیا گیا ہے اور زیر التوا کو یقینی بنایا جائے۔ڈی ڈی سی نے لائن ڈیپارٹمنٹس کو ہدایت کی کہ وہ موجودہ پیش رفت کو گزشتہ سال کی کامیابیوں کے مقابلے میں اور دیگر اضلاع کے مقابلے میں ان کی کارکردگی کا جائزہ لیں۔ڈی ڈی سی نے ڈی ڈی ایم نبارڈ نکھل شرما سے کہا کہ وہ تمام ترقیاتی سکیموں کی تفصیلات پیش کریں اور لائن ڈیپارٹمنٹس کے ساتھ خاص طور پر زراعت کے شعبہ کے محکموں کے ساتھ شیئر کریں۔ڈی سی نے ایل ڈی ایم سے یہ بھی کہا کہ وہ اب سہ ماہی کے بجائے ڈی ایل آر سی کی میٹنگیں ماہانہ کرے۔