مزید خبریں

نیوز ڈیسک

 جموں//حکومت نے کہا ہے کہ پچھلے چوبیس گھنٹوں کے دوران صوبہ جموںمیں کورونا وائرس کے2نئے مثبت معاملات سامنے آئے ہیںجبکہ 06افرادشفایاب ہوئے ہیں۔اس دوران 30معاملات ہنوز سرگرم ہیںجبکہ مجموعی ہلاکتیں مسلسل2327پر ٹکی ہوئی ہیں۔سرکاری بلیٹن میں چوبیس گھنٹوں کے دوران ضلع وار کووِڈمثبت معاملات کی رِپورٹ فراہم کرتے ہوئے کہاگیا ہے کہ صوبہ جموں کے ضلع جموں میں 01 اور ضلع ادھم پور میں 01نیا معاملہ سامنے آیا ہے۔ راجوری ، ڈوڈہ ،کٹھوعہ ،سانبہ،کشتواڑ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔بلیٹن میں مزید کہا گیا ہے کہ اَب تک 2,42,02,785ٹیسٹوں کے نتائج دستیاب ہوئے ہیں جن میں سے  25؍مارچ 2022کی شام تک2,37,49,148نمونوں کی رِپورٹ منفی اور 4,53,637 نمونوں کی رِپورٹ مثبت پائی گئی ہے۔علاوہ ازیں اَب تک62,82,521افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں31,864اَفراد کو گھریلو قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔135فراد کوآئیسولیشن میں رکھا گیا ہے جبکہ4,67,008اَفراد کو گھروں میں نگرانی میں رکھا گیا ہے۔اِسی طرح بلیٹن کے مطابق57,78,764اَفرادنے 28روزہ نگرانی مدت پوری کی ہے۔کووِڈ ویکسی نیشن کے بارے میں بلیٹن میں بتایا گیا ہے کہ گزشتہ چوبیس گھنٹوں کے دوران 32,147کووِڈ حفاظتی ٹیکے لگائے گئے ہیں جس سے ٹیکوں کی مجموعی تعداد 2,20,22,268تک پہنچ گئی ہے ۔اِس کے علاوہ جموں و کشمیر میںزائد اَز 18 برس عمر کی صد فیصد آبادی کو ٹیکے لگائے جاچکے ہیں۔

 

 

جموں//نیتی آیوگ کے ذریعہ برآمدی تیاری انڈیکس 2021 کے دوسرے ایڈیشن میں جموں و کشمیر یو ٹی تیسرے مقام پر اُبھر کر سامنے آیا ہے ۔ تیسرا مقام حاصل کر کے جموں و کشمیر کی مجموعی درجہ بندی 36 ویں سے بڑھ کر 23 ویں نمبر پر پہنچ گئی ہے اور اس کے اسکور 12.27 سے بڑھ کر 30.07 ہو گئے ہیں ۔ جموں و کشمیر ٹریڈ پروموشن آرگنائیزیشن ( جے کے ٹی پی او ۔ نوڈل ایجنسی فار ایکسپورٹ پروموشن ) کے توسط سے محکمہ صنعت و تجارت نے تمام ای پی آئی پیرا میٹرز میں اپنی کارکردگی کو بہتر بنانے کی بھر پور کوشش کی ہے ۔ اس نے مجموعی طور پر برآمد دوست ماحول پیدا کیا ہے جس کی وجہ سے جموں و کشمیر نے پالیسی ستون کے محاذ پر غیر معمولی کارکردگی کا مظاہرہ کیا ہے ۔ جے کے ٹی پی او نے برآمد کنندگان کو بی ایس ایم، صلاحیت سازی کی ورکشاپس ، تجارتی میلوں اور نمائشوں کے علاوہ او ڈی او پی پراڈکٹس کو حتمی شکل دینے ، ضلع کے تحت برآمدی مرکز کے طور پر ضلع کے برآمدی منصوبوں کے ذریعے مختلف مارکیٹ کنیکٹس فراہم کئے ہیں ۔ یہ انڈیکس نیتی آیوگ نے وائس چئیر مین ڈاکٹر راجیو کمار نے نیتی آیوگ کے سی ای او امیتابھ کانت ، سیکرٹری محکمہ کامرس بی وی آر سبھرامنیم اور دیگر معززین کی موجودگی میں جاری کیا ۔ 

 جموں// ڈائریکٹر جنرل آف پولیس، جموں و کشمیر دلباغ سنگھ نے آج سری نگر میں نئے اپ گریڈ اور قائم کیے گئے پولیس اسٹیشنوں کا دورہ اوران کے بنیادی ڈھانچے اور دیگر سہولیات کا جائزہ لیا ۔ انہوں نے سیکورٹی اور انتظامات کا جائزہ لینے کے علاوہ ان  میں تعینات پولیس اور سی آر پی ایف کے جوانوں سے بات چیت کی جبکہ شہر سری نگر کی زمینی صورتحال کا بھی جائزہ لیا۔ڈی جی پی نے پولیس اسٹیشن سنگم عیدگاہ، احمد نگر اور پولیس پوسٹ کھمبر کا دورہ کیا۔ڈی جی پی  نے بات چیت کے دوران صورتحال سے انتہائی پیشہ ورانہ طر یقے سے نمٹنے کے لیے پولیس اور سی آر پی ایف کی تعیناتیوں کی تعریف کرتے ہوئے کہا کہ لوگوں کی حفاظت کے لیے دن رات کام کرنے کے لیے  پولیس اور دیگر سیکیورٹی فورسز کے عزم اور لگن کی سراہنا کی۔انہوں نے کہا کہ جموں وکشمیر پولیس اور دیگر سیکورٹی فورسز کی طرف سے اٹھائے گئے ہر اقدام کا مقصد لوگوں کی زندگیوں کی حفاظت کرنا ہے۔ ہم امن اور ترقی کی راہ پر تیزی سے آگے بڑھ رہے ہیں اور اس کے ثمرات نظر آرہے ہیں ۔ انہوں نے کہا کہ ہمیں امن کے دشمنوں کی نشاندہی کرکے اور شرپسند عناصر کے خلاف قانون کے تحت سختی سے نمٹتے ہوئے پرامن ماحول کو مستحکم کرنے کے لییایک جٹ ہوکرآگے بڑھنا ہوگا۔ڈی جی پی نے،ملی ٹینسی ،جرائم کے واقعات سے نمٹنے کے لیے جامع انسدادی اقدامات اپنانے پر زور دیتے ہوئے مزید کہا کہ لوگوں کی جانوں کا تحفظ ہماری اولین ذمہ داری ہے۔ انہوں نے کسی بھی ناخوشگوار واقعے کو روکنے کے لیے حساس مقامات پر سیکیورٹی بڑھانے پر زور دیتے ہوئے افسران کو ہدایت کی کہ وہ اپنے اپنے علاقوں میں لوگوں کی حفاظت کے لیے ضروری اقدامات کو یقینی بنانے کے ساتھ آپسی تعاون بڑھائیں ۔ ڈی جی پی نے کہا کہ ملی ٹینسی کی سرگرمیوں میں کسی بھی قسم کی مدد فراہم کرنے والے تمام مشکوک عناصر پر کڑی نگاہ رکھی جائے تاکہ وہ اپنے ناپاک عزائم میں کامیاب نہ ہو ۔ڈی جی پی نے سیکورٹی چیلنجوں سے نمٹنے کے لیے جموں و کشمیر پولیس اور دیگر ایجنسیوں کے درمیان قریبی ہم آہنگی برقرار رکھنے کی اہمیت کو دہراہتے ہوئے افسران کو ہدایت کی کہ وہ اپنے اپنے دائرہ اختیار میں آنے والے علاقوں کے حفاظتی منصوبوں کا سر نو جائزہ لیں اور اضافی چوکسی برتیں کیونکہ ملی ٹینٹ تنظیمیں مسلسل بدامنی پھیلانے اور امن کو خراب کرنے کی کوششیں کر رہی ہیں۔دلباغ سنگھ نے کمیونٹی پولیسنگ کی اہمیت کو اجاگر کرتے ہوئے کہا کہ اس سے عوامی اعتماد میں اضافہ ہوتا ہے جو جرائم اور سماجی برائیوں کے خلاف جنگ میں مدد کرتا ہے ۔انہوں نے کہا کہ لوگوں کا تعاون سے جموں و کشمیر میں امن و امان کی بحالی میں مددگار ثابت ہوگا۔مجرمانہ سرگرمیوں کا تذکرہ کرتے ہوئے، ڈی جی پی نے افسران پر زور دیا کہ وہ معاشرے سے منشیات کے استعمال اور دیگر سماجی برائیوں کے خلاف لڑنے کے لیے جذبے کے ساتھ کام کریں۔اس موقعے پر سینئر افسران نے ڈی جی پی کو اپنے اپنے علاقوں کے کام کاج اور سیکورٹی پلان کے بارے میں مکمل آگاہی فراہم کی ۔

 

جموں//IECT کے میدان میں مختلف تربیتی پروگراموں کو انجام دینے کے لیے، جموں یونیورسٹی نے نیشنل انسٹی ٹیوٹ آف الیکٹرانکس اینڈ انفارمیشن ٹیکنالوجی، الیکٹرانکس اور اطلاعات کی وزارت کے تحت ایک خود مختار سائنسی سوسائٹی کے ساتھ مفاہمت کی ایک یادداشت (ایم او یو) پر دستخط کیے۔جموں یونیورسٹی کے جاری کردہ بیان کے مطابق ایم او یو پر وائس چانسلر،موں یونیورسٹی پروفیسر منوج کمار دھر کی موجودگی میں انچارج رجسٹرارجموں یونیورسٹی پروفیسر جسبیر سنگھ اور ایگزیکٹو ڈائریکٹر، NIELIT J&K دیپک وسان نے دستخط کیے۔پروفیسر منوج دھر نے جموں یونیورسٹی کے کمپیوٹر سائنس اور آئی ٹی اور الیکٹرانکس کے شعبہ کے سربراہ اور فیکلٹی ممبران کو اس مفاہمت نامے کی تیاری میں پہل کرنے پر سراہا۔پروفیسر دھر نے کہا کہ یونیورسٹی کے محکموں کو چاہیے کہ وہ تعاون کریں اور اپنی ایسوسی ایشن کو بڑھا دیں تاکہ اعلیٰ ادارے یونیورسٹی کے ساتھ ساتھ NIELIT کے مختلف کورسز میں داخلہ لینے والے طلباء کی ہنر مندی اور اپ اسکلنگ میں اپنا حصہ ڈال سکیں۔انہوں نے مزید امید ظاہر کی کہ یہ ایم او یو کمپیوٹر سائنس کے طلباء اور اسکالرز کو مختلف مواقع فراہم کرے گا۔ انہوں نے مزید اس بات کا اعادہ کیا کہ NIELIT J&K کو بھی جموں یونیورسٹی کے غیر تدریسی ملازمین کو IT سرگرمیوں میں مدد فراہم کرنا چاہئے۔پروفیسر جسبیر سنگھ نے بھی دیپا کے فیکلٹی ممبران کو مبارکباد دی۔دیپک وسان نے اس بات پر زور دیا کہ ایم او یو کمپیوٹر سائنس کے نئے ڈومینز جیسے IoT، سائبر سیکیورٹی، سائبر فرانزک، امیج پروسیسنگ وغیرہ میں NIELIT کی دانشورانہ صلاحیتوں کے موثر استعمال میں سہولت فراہم کرے گا۔وسان نے مزید کہا کہ سرٹیفکیٹ اور ڈپلومہ کورسز کی فراہمی میں، NIELIT طلبا کے اندراج، تربیت کے انعقاد، تشخیص، سرٹیفیکیشن وغیرہ کا خیال رکھے گا۔

 

جموں//جموں ضلع کے نگروٹہ کے مضافات میں کم از کم 13 افراد اس وقت زخمی ہو گئے جب ایک منی بس حادثہ کاشکار ہوگئی۔پولیس نے بتایا کہ سڑک حادثہ نگروٹا کے پنج گرائیں میں پیش آیا جس میں ایک منی بس بے قابو ہو گئی جس میں 13 مسافر زخمی ہوئے۔زخمیوں کو فوری طور پر نکال کر جی ایم سی جموں اسپتال منتقل کیا گیا۔زخمیوں کی شناخت خورشید بی بی زوجہ نذیر علی سکنہ کنگر گھروٹہ، سوریہ بی بی زوجہ ببلی سکنہ کھیری، سلطان (5) ولد محمد لطیف سکنہ کھیری، شہناز زوجہ محمد لطیف سکنہ کھیری، بیگم بی بی زوجہ محمد صادق سکنہ کھیری، ساریہ فاطمہ (5) بیٹی مشتاق سکنہ کھیری، نسرین (17) بیٹی بابی سکنہ کھیری، ممتاز بیوی قاضی سکنہ کھیری، بشیرہ بی بی بیوی سیف علی سکنہ کھیری، راشدہ بی بی (14) دختر محمد اکرم سکنہ کھیری، رضیہ بی بی (15) دختر غلام حسین سکنہ کھیری، تانیہ (12) دختر قاسم علی سکنہ کھیری جموں اور رشیدہ بی بی زوجہ غلام مصطفیٰ سکنہ کھیری کے نام سے ہوئی ہے۔

 

 

 

 

جموں//گورنمنٹ ایس پی ایم آر کالج آف کامرس جموں کے این ایس ایس یونٹ نے میونسپل کارپوریشن جموں اور ریڈ ایف ایم 91.9 کے ذریعہ سوچھ بھارت ابھیان کے تحت سوچھ سرویکشن پروگرام کا انعقاد کیاجس میں بتایا گیا کہ سوچھ سروے ہندوستان بھر کے دیہاتوں، قصبوں اور شہروں میں صفائی ستھرائی اور حفظان صحت کا ایک سالانہ سروے ہے، جس کا مقصد ہندوستان کو 2 اکتوبر 2019 تک صاف ستھرا اور کھلے میں رفع حاجت سے پاک بنانا تھا۔ پہلا سروے 2016 میں کیا گیا تھا اور اس میں 73 شہروں (53 شہروں کا احاطہ کیا گیا تھا۔  ایک ملین سے زیادہ کی آبادی، اور تمام ریاستی دارالحکومت)۔ اس موقع پر پرنسپل رنجیت سنگھ جموال، ڈاکٹر سندھیا بھردواج، ڈاکٹر مونیکا مہاجن اور این ایس ایس کے پروگرام آفیسر عرفان عارف نے اپنے خیالات کا اظہار کیا اور صفائی بیداری مہم کے لیے ریڈیو ایف ایم اور میونسپل کارپوریشن جموں کا شکریہ ادا کیا۔

 

 

بانہال // نیشنل اولڈ پنشن بحالی یونائیٹڈ فرنٹ (NOPRUF) کے قومی صدر بی بی سنگھ راؤت نے جموں کشمیر کے یوٹی صدر گل زبیر ڈینگ کی سفارش پر جموں کشمیر یو ٹی سے مزید نو عہدیداروں کی تقرری عمل میں لائی ہے۔ جموں کشمیر یوٹی سے این او پی ار یو ایف کے جن عہدیداران کی تقرری عمل میں لائی گئی ہے ان میں حمایت وانی کو جموں کشمیر یو ٹی کا ایڈوائزر ، پونم ٹھاکورکو جموں کشمیر یو ٹی نائب صدر خواتین ونگ ، شاہنواز گنائی کو یو ٹی سوشل میڈیا اور آئی ٹی سیل انچارج ، محمد سلیم کو یو ٹی پبلیسٹی سیکرٹری ،شیوا پادا کوجنرل سیکریٹری خواتین ونگ ، مختیار احمد یو ٹی سیکریٹری جموں کشمیر ، رافعیہ ماٹو نائب صدر جموں صوبہ خواتین ونگ ، جواز اقبال وانی سیکرٹری جموں صوبہ اور الکا شرما کو صوبائی  سیکرٹری جموں خواتین ونگ کے عہدوں پر تعینات کیا گیا ہے۔