مزید خبرں

محمد تسکین  

بانہال // محکمہ صحت بانہال کی درخواست پر ضلع انتظامیہ رام بن نے درد زہ مین مبتلا دو خواتین کو بانہال سے بذریعہ ہیلی کاپٹرجموں کے ہسپتال منتقل کیا ہے۔ گذشہ رات درد زہ میں مبتلا انتہائی ہائی رسک کی دو خواتین کو داخل کیا گیا لیکن ہسپتال میں بیہوش کرنے والے ڈاکٹر کے لمبی چھٹی پر ہونے اور متبادل ڈاکٹر نہ ہونے کی وجہ سے بانہال ہسپتال انتظامیہ نے یہ معاملہ ایس ڈی ایم اور تحصیلدار کی نوٹس میں لایا جنہوں نے معاملہ ڈپٹی کمشنر رام بن کی نوٹس میں لایا۔ذرائع نے بتایا کہ اس کے بعد صوبائی انتظامیہ نے دونوں خواتین کوبانہال سے جموں ہسپتال منتقل کرنے کیلئے ہیلی کاپٹرکا انتظام کیا اور جمعہ کی دوپہر بعد دونوں مریضہ جمیلہ بیگم زوجہ رئیس احمد ساکنہ نیل بانہال اور شاہدہ بیگم زوجہ سجاد احمد ساکنہ ناگام بانہال کو جموں کے ہسپتال منتقل کیا گیا ہے۔ 

 

       

نصیر احمد کھوڑا

ڈوڈہ//خطہ چناب کے ضلع دوڈہ کے قصبہ جات اور دور افتادہ دیہات میں برف باری سے نظام زندگی در ہم ہو کر رہ گئی ہے۔قصبہ جات کی سڑکوں کے ساتھ ساتھ دور دراز کی رابطہ سڑکو کا برا حال ہے۔ ان رابطہ سڑکوں پر جگہ جگہ پتھر، ملبہ اور بھاری پسیاں گر آئیں ہیں ان میں اہم سڑکیں ڈوڈہ۔بھدرواہ،دوڈہ ۔ٹھاٹھری۔گندو ۔بھلیسہ اوردوڈہ ۔کشتواڑ سڑکیں شامل ہیںجس کی وجہ سے دور دراز علاقہ جات میں لوگوں کو راشن کی قلت کے ساتھ ساتھ کھانے پینے کی چیزوں کی عدم دستیابی کا سامنا کرناپڑ رہا ہے ۔ اس کے علاوہ مرمت ،کاستی گڑھ گرمل،دھندل ،بھاگواہ،دیسہ ،گندنہ لدنہ،جاگیر ملوانہ،مجالہ کھنکوٹ،سرسوانہ، جمروٹ و دیگر مقامات سڑکوں کے ھوالے سے منطقع ہیں۔سڑکیں بند رہنے کی وجہ سے لوگوں کو ایک تو عبور و مرودر میں مشکلات ہیں وہیں دوسری جانب کھانے پینے کی چیزوں کی شدید قلت پائی جا نے کی اطلاعت موصول ہوئی ہیں۔جب کہ بجلی پچھلے 2روز سے بالکل بند پری ہے جب کی دیہات میں پہلے ہی بارشوں اور برفباری سے تاریں اور ٹرانسفارمر نقصان زدہ ہیں۔قصبہ جات کے قرب و جوار میں بجلی کی ترسیلی لائنیوں کو شدید نقصان پہنچا ہے جس کی وجہ سے وادی چناب کے قصبہ جات  پچھلے 2یوم سے بغیر بجلی کے ہیں۔حکام نے ابھی تک بجلی بحالی کے سلسلہ میں کوئی ڈیڈ لائین نہیں دی ہے البتہ کئی لوگوں نے آج رات دیر گئے بجلی بحال ہونے کا عندیہ دیا ہے لیکن کئی لوگوں نے بتایا کہ ادھمپور اور پتنی ٹاپ کے آس پاس ٹاوروں کو شدید نقصان ہوا ہے انہیں ٹھیک کرنے میں کچھ دن مزید لگیں گے۔یہاں ڈی سی آفس ڈوڈہ کے باہر چند گاڑیوں پر درخت گرنے سے سخت نقصان پہنچا ہے ۔اس طرح کئی مقامات سے چند افراد کے زخمی ہونے کی بھی اطلاعت ملی ہیں جس میں اکرم آباد ڈوڈہ کے نیاز احمد شان کی اہلیہ بھی شامل ہے جس کر زخمی حالت میں ہسپتال پہنچایا گیا ہے ۔

 

 

اے آئی بٹ

کشتواڑ//ضلع ترقیاتی کمشنر انگریز سنگھ رانا نے جمعہ کے روز قصبہ و ملحقہ علاقوںکا دورہ کرکے وہاں اشیائے ضروریہ کی سٹاک پوزیشن اور ضروری خدمات کی بحالی کا جائزہ لینے کے علاوہ برف ہٹانے کے کام کا معائینہ کیا ۔اپنے دورہ کے دوران انہوں نے ضلع ہسپتال، بس اسٹینڈ، ڈاک بنگلہ، گیری نگر و دیگر ملحقہ علاقوں کا دورہ کیا۔ ضلع ہسپتال میں انہوں نے مریضوں کے ساتھ ملاقات کی اور وہاں معیاری طبی خدمات، گرمی کے انتظامات، سٹاف کی با قاعدگی اور مریضوں کی دیکھ بھال کا بھی جائزہ لیا۔انہوں نے ہسپتال کے متعدد وارڈوں کا معائینہ کرکے مریضوں کے ساتھ تبادلہ خیال کیا اور ادویات کی دستیابی کی چیکنگ کی۔انہوں نے ایمرجنسی سیکشن کو پوری طرح سے لیس کرنے کی ہدایت دی،تاکہ کسی بھی صورتحال کا مقابلہ کیا جا سکے۔انہوں نے متعدد مقامات پر لوگوں سے تبادلہ خیال کرکے اُنکی کی شکایات سُن کر موقعہ پر ہی ا زالہ کرنے کے احکامات جاری کئے۔ڈی سی نے افسروںکو برفباری کے بعد پیدا شدہ صورتحال کی طرف توجہ مرکوز کرکے بجلی کی سپلائی اور بین ضلعی رابطوں بشمول شاہراہوں ،پینے کے پانی کی سپلائی اور ٹریفک منیجمنٹ کی جانب توجہ مبذول کرنے کی ہدایت دی۔ انہوں نے

 انا ج ،ایل پی جی اور تیل خاکی کا معقول ذخیرہ یقینی بنانے کی ہدایت دی۔

 

 

زاہد ملک 

ریاسی //محکمہ خوراک و رسدات کی جانب سے جمعہ کے روز ضلع کے کٹرہ تحصیل میں مارکیٹ چیکنگ کی گئی ۔اسسٹنٹ ڈائریکٹر محکمہ خو راک و رسدات ڈاکٹر ناصر احمد بٹ ،تحصیل سپلائی افسر کٹرہ سرداری لعل اور انسپکٹر محکمہ ماپ وتول وکی شرما  پر مشتمل ایک مشترکہ ٹیم نے ڈائریکٹر محکمہ

 امور صارفین کی نگرانی میں مارکیٹ چیکنگ کی اور متعد دکے خلاف کاروائی کی۔ مشترکہ ٹیم نے اشیائے ضروریہ ایکٹ کے تحت 13000 روپے بطور جرمانہ وصول کیا،ٹیم نے تاجروں اور دوکانداروںکو زیادہ قیمت وصول کرنے سے اجتناب کرنے اور منظور شدہ نرخ نامہ آویزں رکھنے کی ہدایت دی۔ٹیم نے کہا ہے کہ وہ مستقبل میں بھی ایسی مارکیٹ چکینگ جاری رکھیں گے۔

 

   

رام بن ///ضلع ترقیاتی کمشنر شوکت اعجاز بٹ نے جمعہ کے روز ضلع میں برفباری کے بعد ہوئی بحالی کے کاموں کی پیش رفت کا جائزہ لینے اور ضلع میں ضروری خدامت بحال کرنے میں در پیش مدعوں پر بحث کرنے کیلئے ایک ہنگامی اجلاس منعقد کیا ۔اجلاس میںاے ڈی سی ڈاکٹر بشارت حسین، سی پی او اوتم سنگھ، سی ایم او ڈاکٹر سیف الدین خان ، ایگزیکٹو انجینئر پی ایچ ای ، سی اے ایچ او، ڈی ایس ایچ او اور دیگر محکموں کے افسراں نے بھی شرکت کی۔انہوںنے ضلع میں عوام کو مہیا کی جارہی خدمات کا جائزہ بھی لیا۔انہوںنے افسروں کو نقصانات کی تفصیل معہ فوٹوکے پیش کرنے کی ہدایت دی ۔ انہوںنے افسروں کو اپنے اپنے محکموں میں لوگوں کے اطمینان کے لئے علحیدہ کنٹرول روم قائم کرنے اور متعلقہ افسروں کے موبائل نمبر اخبارات اور میڈیا کے دیگر طریقوں سے تشہیرکرنے کی ہدایت دی۔انہوں نے محکمہ تعمیرات عامہ اور پی ایم جی ایس وائی محکموں سے سڑکوں کے رابطہ کے بحالی کام میں سرعت لانے کی ہدایت دی۔ ڈی سی نے محکمہ بجلی اور صحت عامہ سے متاثرہ علاقوں میں بجلی اور پانی کی سپلائی جنگی سطح پر بحال کرنے کی ہدایت دی۔زراعت، باغبانی، شیپ ہسبنڈری ،انیمل ہسبنڈری و دیگر محکموں سے برف باری سے متاثرہ علاقوں میں لوگوں کو معاونت فراہم کرنے کے لئے اپنے اپنے محکمانہ ٹیم روانہ کرنے کی ہدایت دی۔ انہوں نے تمام محکموں سے عوام کے لئے ایڈوائزری جاری کرنے کی ہدایت دی اور اسکے علاوہ فصلوں کو ہوئے نقصان کا تخمینہ لگانیکی ہدایت بھی دی۔اجلاس کے دوراناے سی آر کو نقصانات کی رپورٹ مکمل کرنے کی ہدایت دیتے ہوئے تحصیلداروں سے نقصانات کے معاملات بغیر کسی تاخیر کے بھیجنے کی ہدایت دی، تاکہ متاثرین کو معاونت فراہم کی جاسکے۔