مزید خبرں

خطہ چناب کے ساتھ سوتیلی ماں جیسا سلوک

 تعمیر وترقی کے لحاظ سے یکسر نظر انداز، عوام نیا محاذ تشکیل دیں :مرزا مظفر بیگ

نصیر احمد کھوڑا
 ڈوڈہ// سرکردہ سماجی کارکن وچناب سٹیزن فورم کی سرپرست اعلیٰ مرزا مظفر بیگ نے ایک بار پھر ریاستی سرکار اور مقامی سیاسی لیڈران پر ناراضگی کا اظہار کرتے ہوئے ہوئے سخت الفاظ میں مذمت کی ہے۔ انہوں نے کہا کہ جہاں ایک طرف سے ریاستی سرکار نے خطہ چناب کے ڈوڈہ، بھدرواہ ، ٹھاٹھری ، گندو بھلیس وکشتواڑ کے قصبہ جات وان کے درجنوں د یہات کو تعمیر و ترقی کے حوالے سے نظر انداز کیاہے  وہیںدوسری جانب اس خطہ کے سیاسی لیڈران کا رول بھی کچھ فائدہ مند بھی ثابت نہیں ہوا ۔مرزا مظفر بیگ کا ماننا ہے کہ یہاں کے سیاسی لیڈران نے گذشتہ  پندرہ برسوں میں صرف یہاں کے لوگوں کا استحصال کرکے انکے ساتھ ظلم وزیادتی کی ہے ۔ اس خطہ چناب کی تعمیر وترقی کے بلند بانگ دعوے کئے جاتے ہیں مگر زمینی سطح کی صورت حال مایوس کن ہے ۔ ان کاکہناتھاکہ یہاں کی سڑکیں، تعلیمی ادارے ، طبی سہولیت ، پینے کی پانی۔ بجلی ، دیہی ترقی ، آب نوشی کی مختلف سکیمیں بے کار اور بے سود ہیںاوریہاں کا تعلیمی نظام روز بروز بگڑتا جارہاہے ، بے روزگاری حد سے زیادہ بڑھ گئی ہے لیکن کوئی پرسان حال نہیں۔ ان کاکہناتھاکہ صرف یہاں کی سیاسی قیادت نے اپنا مفاد ذہن میں رکھ کر لوگوں کا استحصال کیا ۔انہوں نے افسوس کا اظہار کرتے ہوئے کہاکہ اس خطہ سے تعمیرات عامہ کے دو سرکردہ وزیررہ چکے ہیں مگر رابطہ سڑکیں تباہی کا منظرپیش کرتی ہیں ۔انہوں نے الزام عائد کرتے ہوئے بتایا کہ ان پہاڑی راستوں پر آئے روز حادثات رونما ہوتے ہیںجن میں قیمتی جانیں تلف ہوتی ہیں اور سینکڑوں کے حساب سے لوگ ہرسال بیکار ہوجاتے ہیں،مگر زر کثیر خرچ کرکے بھی ہاں کی سڑکوں کاحال بھی ناگفتہ بہہ ہے ۔ انہوں نے کہاکہ اس پر طرہ یہ ہے کہ پل ڈوڈہ سے قصبہ ڈوڈہ تک کے سڑک فور لین نہیں بنائی جاسکی ہے ،یہاں کے صحت افزا مقامات کو ابھی تک سیاحتی نقشے پر نہیں لایا جاسکا، اسی طرح ضلع ڈوڈہ کے لوگوں کا ایک دیرینہ خواب یہ ہے کہ ڈوڈہ دیسہ کپرن روڈ جو کہ خطہ چناب کے مختلف علاقوں کو وادی کشمیر سے ملانے کے لئے ایک نزدیک ترین فاصلہ ہے ، مگر بار بار اصرار اورمطالبات کی اس کی تعمیر کا خواب ابھی تک شرمندہ تعمیر نہ ہوا ، اس تمام صورت حال کی ذمہ داری یہاں کی سیاسی قیادت پر تھی جس نے اس وسیع ترین علاقہ کو یکسر نظر انداز کیا ہے اور خطہ چناب کی ساتھ یہ امتیازی سلوک کئی دہائیوں سے کیا جارہاہے جس کے سب یہ خطہ تعمیر وترقی کی حوالے سے اورمراعات پہنچانے کی اعتبار سے ہمیشہ پیچھے دھکیلا جارہاہے۔ بیگ نے کہاکہ اس تمام صورت حال کو دیکھ کر ایک نیا محاذ تشکیل دینے کی ضرورت ہے جو کہ تعمیر وترقی اور خطہ چنا ب کے مسائل کو ترجیحی بنیادیں پر حل کرنے کے کوشاں رہے ،جس کے لئے انہوں نے تمام سیاسی جماعتوں کے افراد، سماجی انجمنوں سے وابستہ لوگوں ہر ذی شعور فرد سے اپیل کرتے ہوئے ایک ہی پلیٹ فار پر جمع ہونے کے لئے کہاہے تاکہ اس خطہ کے ساتھ کسی حد تک انصاف کیاجائے۔
 

سروڑی کادرگاہ حضرت بل کے سجادہ نشین اورمولانا شریف نعمانی کے انتقال پراظہار رنج

کشتواڑ//جموں وکشمیر پردیش کانگریس کمیٹی کے نائب صدر وسابق وزیر غلام محمد سروڑی نے درگاہ حضر ت بل کے سجادہ نشین غلام حسن بانڈے کے انتقال پرملال پرگہرے رنج والم کااِظہارکیاہے۔سروڑی نے بٹھنڈی جموں کے مولانازبیر احمد کے صاجزادے الحاج محمد امین بھٹ ، چوہدری روشن دین ولد فتوبومال ساکنہ کلم سوئے اندروال، کلسو بیگم زوجہ غلام قادر وانی ساکنہ ملانوکاہراہ، جانتی بیگم زوجہ مرحوم گوم خان ساکنہ میہجار مغل میدان اور کرشن لال ولد بھگا رام ساکنہ واسدیونا تگودکے انتقال پرسوگواران کیساتھ اِظہارِ ہمدردی کرتے ہوئے اپنے رنج والم کااِظہارکیا۔اپنے تعزیتی پیغام میں غلام محمد سروڑی نے کہاکہ یہ انتہائی افسوسناک ہے کہ اہم شخصیات سے ہم محروم ہوگئے ہیں۔اُںہوں نے کہاکہ ہمیشہ ضرورتمندوں کیلئے پیش پیش رہنے والی اہم شخصیات اس جہانِ فانی سے کوچ کرگئی ہیں۔ اُنہوں نے کہاکہ ان کے انتقال پرملال سے سماج میں جوخلاء پیداہواِسے پرکرناممکن نہیں۔ اُنہوں نے مرحومین کی روح کی تسکین کیلئے دعاکی اور غمزدگان کیلئے صبر وجمیل کی دعاکی۔دریں اثناء غلام محمد سروڑی نے پونچھ کی معروف دینی وسماجی شخصیت اورگوجربکروال ایمپلائز فیڈریشن کے صدر محمد اسد نعمانی وکے اے ایس آفیسر محمد ارشد نعمانی کے والدمولانامحمد شریف نعمانی کے انتقال پرگہرے رنج والم کااِظہارکرتے ہوئے مرحوم کیلئے دعائے مغفرت کی اور غمزدہ کنبے کیساتھ گہری ہمدردی کااِظہارکیا۔اپنے تعزیتی پیغام میں سروڑی نے کہاکہ خطہ پیرپنجال نے ایک مدبر ،مفکر اور مخلص انسانیت کے علمبردار کو کھویا ہے جس کی بھرپائی کرنا شاید انتہائی مشکل ہے ۔انہوں نے گجر ایمپلائیز ایسویشن کے ضلع صدر اسد نعمانی وان کے اہلخانہ کے ساتھ اظہار ہمدردی کرتے ہوئے کہاکہ مرحوم ایک نیک انسان تھے جنہوں نے اپنی زندگی دین اسلام کی سربلندی کے لئے وقف کی تھی ‘ناساز گار حالات کے باوجود وہ اپنے مشن میں ڈٹے رہے اور دین اسلام کی سربلندی کے لئے کام کرتے رہے ۔
 
 

رام بن میں دو منشیات فروش گرفتار 

ایم ایم پرویز 
رام بن //بانہال میں پولیس نے ایک کاروائی میں د ومنشیات فروشوں کو گرفتار کرکے انکے قبضہ سے50بوتلیں ضبط اور 250 گرام چرس برآمد کرنے کا دعویٰ کیا ہے۔ پولیس نے ایک خصوصی جانکاری پر ٹی چوک کراسنگ کے قریب ایک ناکہ لگایا جس دوران پولیس نے codeine phosphate کی 50بوتلیں ضبط کرکے منشیات فروشوں کو موقعہ پر ہی گرفتار کیا،جس کی پہچان مدثر احمد ولد بشیر احمد وانی ساکن سوپور کے بطور کی گئی ہے۔پولیس نے اسی ناکے پر ایک اور شخص راہل سنگھ ولد سنگ دیال ساکن بڑی براہمناں ،جموںکو گرفتار کیا اور اسکے قبضہ250گرام چرس برآمد کی۔ پولیس نے اس سلسلہ میں بانہال پولیس اسٹیشن میں دو مختلف معاملات درج کرکے مزید تحقیقات شرع کی ہے۔