مزید خبرں

ڈوڈہ //سابقہ وزیر و اے آئی سی سی کے رکن محمد شریف نیاز نے اپنے ہفتہ بھر طویل دورہ کے دوران نئی دہلی میںنیشنل کانگریس کے متعدد لیڈران سے ملاقات کی۔ ڈوڈہ سے جاری ایک پریس بیان میں نیاز نے کہا ہے کہ انہوں نے راجیہ سبھا میں حزب اختلاف کے لیڈر غلام نبی آزاد سے بھی ملاقات کی اور ریاست خصوصاً وادی چناب کی موجودہ سیاسی صورتحال پر بات و چیت کی۔نیاز نے آزاد کو بعض کانگریسی لیڈروں کی جانب سے پارٹی مخالف سرگرمیوں کے متعلق جانکاری دی اور کہا کہ وہ یہ پی ڈی پی او بی جے پی کے ایما پر کر رہے ہیں۔آزاد نے بھدرواہ میں کانگریس کو مستحکم بنانے کے لئے نیاز کے رول کی سراہنا کی اور انہیں بھروسہ دلایا کہ آنیوالے اسمبلی انتخاب اپریل ۔مئی 2019میں انہیں بھدرواہ اسمبلی حلقہ سے منڈیٹ دیا جائے گا۔

 

 

نصیر کھوڑا

ڈوڈہ//لو پیڈ ایمپلائز فیڈریشن ڈوڈہ کے بینر تلے تنظیم کے ضلع صدر نیاز احمد راہی کی قیادت میں میٹنگ منعقد ہوئی جس میں ملازمین کے مسائل کے بارے میں غور و خوص کیا گیا۔ تنظیم کے سینئر لیڈرغلام حسن پانپوری نے کہا کہ پنچائتی اور بلدیاتی انتخابات میں ریاستی ملازمین نے جان ہتھیلی پر رکھ کر مشکل حالات میں اپنی ڈیوٹی انجام دی ،گورنر انتظامیہ نے اعلان کیا تھا کہ انتخابی ڈیوٹی دینے والے ریاستی ملازمین کو ایک ماہ کی اضافی تنخواہ دی جائے گی،آج یعنی جمعرات کو گورنر انتظامیہ نے اپنا وعدہ وفا کرتے ہوئے مطلوبہ حکمنامہ جاری کر دیا ۔لوپیڈ ایمپلائز فیڈریشن نے اس حکمنامہ پر اطمینان ظاہر کرتے ہوئے توقع ظاہر کی ہے کہ ملازمین کے دیگر ملازمین کی جانب بھی توجہ دی جائے۔میٹنگ میں غلام حسن باغوان ،ہوشیار سنگھ ،شکیل احمددیو،ہری کرشن،گوپال سنگھ،محمد حفیظ وانی،عنایت اللہ میر ،پیارے لال،دیوان چند،عبدالمجید شاہ ٹریڈ یونین صدر کشتواڑ بھی شامل تھے۔

  

کشتواڑ// لوگوں میں آپسی روا داری کے جذبہ کو استحکام بخشنے کے لئے انڈین آرمی کی جانب سے  بدھ کے روزضلع کے چنگام علاقہ میں ایکتا میٹنگ کا اہتمام کیا گیا ،جس کا مقصد ضلع میں امن و خوشحالی کو فروغ دینا تھا۔ہمارے ملک کا کشرت میں وحدت ایک خصوصیت ہے جس نے تمام مذاہب کو اکٹھا انسانیت کے رشتہ میں باندھ کر رکھا ہے۔اس ایونٹ سے مقامی لوگوں کو ایک دوسرے کے ساتھ تبادلہ خیال کرنے اور اتحاد و بھائی چارے کا پیغام دینے کیلئے ایک عظیم پلیٹ فارم مہیا ہوا ہے۔اجلاس میں کل ملا کر  40مقامی لوگوں نے شرکت کی ۔ مقامی لوگوں اور کیمونٹی لیڈروں نے فوج کی اس پہل کی ستائش کی اور اس امید کا اظہار کیا کہ فوج کی اس پہل سے خطہ میں آپسی روا داری کو فروغ حاصل ہوگا۔اس ایونٹ سے لوگوں کو روایتی بھائی چارہ اور مل جُل کر رہنے کی روایت برقرار رکھنے میں بھی مدد ملے گی۔اس موقعہ پر موضع کے سرپنچ نے کہا کہ ایسے اجلاسوں کا انعقاد کرنے سے نہ صرف فوج اور عوام کے درمیان رشتوں میں مضبوطی آتی ہے بلکہ اس سے خطہ میں امن و روا داری کو فروغ دینے میں بھی مدد ملتی ہے۔

   

کشتواڑ//لوگوں میں صحت مند زندگی کی اہمیت کے بارے میں جانکاری فراہم کرنے کے لئے فوج کی جانب سے ضلع کے چیر جی علاقہ کے مقامی لوگوں میں صحت اور حفظان صحت کی اہمیت پر مبنی ایک توسیعی لیکچر کا اہتمام کیا گیا ۔لیکچر کے دوان مقامی لوگوں کو ایک صحت مند زندگی گُذارنے کیلئے صحت مند عادات جیسے کہ ہاتھ دھونے ،صاف و شفاف پانی پینے،اور اچھے ذاتی حفظان صحت کی اہمیت سے واقف کیا گیا۔ لیکچر میں مقامی لوگوں نے شوق و ذوق سے شرکت کی۔ کل ملا کر 28مقامی لوگوں نے اس میں شرکت کی۔مقامی لوگوں نے فوج کی جانب سے ایسی پہل منعقد کرنے کی ستائش کی اور کہا کہ ایسے پروگرام منعقد کرنے سے لوگوں میں صحت مند طرز زندگی اپنانے میں مدد ملے گی۔

 

محمد تسکین 

 بانہال //قصبہ کی نواحی بستی کھارپورہ کے لوگوں نے تعمیراتی کمپنی کی طرف سے ان کے کھیتوں اور درختوں کوملبہ اور پتھروں سے تباہ کئے جانے کے خلاف مقامی لوگوں نے مظاہرہ کیا۔ لوگوں کا مطالبہ ہے کہ بھاری ملبہ کو لوگوں کی آراضی میں پھینکنے کے بجائے اسے مقرر کئے گئے مقامات پر ڈالا جائے اور بھاری ملبہ اور پتھر گرانے کی وجہ سے کھارپورہ کی بستی کی اراضی اور درختوں کو ہوئے نقصانات کا معاوضہ ادا کیا جائے۔ انہوں نے کہا کہ یہ قومی پروجیکٹ عام لوگوں کیلئے زبردست نقصانات کا باعث بنا ہے اور لوگوں کو اس نقصان کی بھرپائی کیلئے ٹال مٹول کیا جاتا ہے ۔ اس مظاہرہ کی اطلاع ملنے کے بعد ایس ڈی ایم بانہال ضمیر احمد اور تحصیلدار بانہال جاوید شیخ جائے احتجاج پر پہنچے اور انہوں نے مظاہرین کو یقین دلایا کہ ان کے مسائل کو حل کرنے اور معاوضہ ا دا کرنے کی ہر ممکن کوشش کی جائے گی اور اس سلسلے میں ضروری قانونی کاروائی کی جائے گی۔