محکمہ سماجی بہبودکے زیراہتمام بیٹی بچائو۔بیٹی پڑھائوریلی کاانعقاد

راجوری//ضلع ترقیاتی کمشنر محمداعجازاسدنے محکمہ سماجی  بہبودکی طرف سے ’بیٹی بچائو۔بیٹی پڑھائو‘ سکیم کی جانکاری عام کرنے کیلئے شروع کی گئی بیداری ریلی کوہری جھنڈی دکھاکرروانہ کیا۔ اس دوران ریلی میں مختلف تعلیمی اداروں کی ایک ہزارسے زائد بچیوں نے حصہ لیا۔اس دوران ریلی میں شامل لڑکیاں بیٹی بچائو۔بیٹی بچائوکے نعرے بلندکررہی تھیں۔ضلع ترقیاتی کمشنرنے اس ریلی کوڈاک بنگلوراجوری سے ہری جھنڈی دکھائی اوربیٹی بچائوبیٹی پڑھائولائبریری نزدیک آئی ٹی آئی راجوری کے قریب پہنچ کراختتام پذیرہوئی۔اس موقعہ پرڈی سی راجوری نے کہاکہ بیٹی بچائواوربیٹی پڑھائو،لاڈلی بیٹی جیسی بہبودسکیموں سے متعلق زیادہ سے زیادہ بیداری پیداکرنے کی ضرورت ہے۔انہوں نے کہاکہ سماج کی سوچ بدلے گی توتبھی ان سکیموں کازمینی سطح پرفائدہ ہوگا۔انہوں نے کہاکہ بچیوں اوربچیوں میں امتیازنہیں کیاجاناچاہیئے۔پرنسپل گورنمنٹ گرلزہائرسکینڈری سکول نے بھی معاشرے میں بچیوں کے تناسب میں آرہی گراوٹ پرتشویش کااظہارکیا۔علاوہ ازیں ضلع ترقیاتی کمشنرنے ایک دستخطی مہم کوبھی لانچ کیا۔اس دوران چیف ایجوکیشن افسرراجوری چوہدری لال سنگھ، ڈی ایس ڈبلیواومحمدنصیب، ہائرسکینڈری سکولوں کے پرنسپلوں،سی ڈی پی اوزودیگران بھی موجودتھے۔