سری نگر// یونین ٹریٹری لداخ کے لیہہ ضلع میں 25 طلبا کی کورونا رپورٹ مثبت آنے کے بعد انتظامیہ نے 15نومبر سے سبھی اسکولوں کو تا حکم ثانی بند رکھنے کے احکامات صادر کئے۔سرکاری ذرائع نے بتایا کہ ’لداخ کے لہیہ ضلع میں قائم چلڈرن اسکول میں گزشتہ روز ٹیسٹنگ کے دوران 25 طالب علموں کی رپورٹ مثبت آئی جبکہ اسی اسکول میں 7نومبر کے روز 20 طلاب کی رپورٹ پازٹیو آئی تھی‘۔انہوں نے کہاکہ ضلع مجسٹریٹ لیہہ شری کانت بالا صاحب نے وائرس کے پھیلاو کو روکنے کی خاطر15نومبر سے سبھی اسکولوں کو تا حکم ثانی بند رکھنے کے احکامات صادر کئے ہیں تاہم اس کا اطلاق بورڈ امتحانات پر نہیں ہوگا۔سرکاری ذرائع نے بتایا کہ دسویں ، گیارہویں اور بارہویں جماعت کے سالانہ امتحانات مقررہ تاریخوں پر ہی لئے جائیں گے جس دوران کورونا رہنما اصولوں پر سختی کے ساتھ عملدرآمد کرنے کی تلقین کی گئی ہے۔انہوں نے کہاکہ چیف میڈیکل آفیسر لیہہ کو ہدایت دی گئی ہے کہ ہوسٹلوں یں قیام پذیر طلبا کی گھر واپسی سے قبل اْن کے کورونا ٹیسٹ کئے جائیں تاکہ وائرس کے پھیلاو کو روکا جاسکے۔ ان کا مزید کہنا تھا کہ آئن لائن موڑ کے ذریعے درس و تدریس کا کام کاج شروع کرنے کی بھی ہدایت دی گئی ہے۔بتادیں کہ مزید 37افراد کی رپورٹ مثبت آنے کے بعد لداخ میں کل مل کر 158ایکٹیو کیسز ہیں جن میں 154لہیہ اور چار کرگل سے تعلق رکھتے ہیں
لیہہ میں25طلباء کی کورونا رپورٹ مثبت ،تمام سکول بند
