لداخ میں بھی کورونا وائرس معاملات میں کمی

 سرینگر//جموں کشمیر کے ساتھ ساتھ لداخ میں بھی کورونا وائرس کے کیسوں میں کمی جاری ہے اور خطے میں متاثرہ مریضوں کی شفایابی کی شر ح 98فیصدتک پہنچ گئی ہے ۔ سی این آئی کے مطابق گزشتہ 24گھنٹوں میں لداخ میںکورونا وائرس کے 14 نئے کیس درج کئے گئے ہیں تاہم اس دوران 11مریضوں کو مختلف اسپتالوں سے رخصت کرکے گھر روانہ کیا گیا ۔حکام کے مطابق  لداخ میں فعال مریضوں کی تعداد 244 ہوگئی ہے جن میں لیہہ میں 210 اور ضلع کرگل میں 34 شامل ہیں۔انہوں نے بتایا کہ یونین ٹریٹری میں اب تک کووڈ202  اموات ریکارڈ کی گئیں ۔ انہوں نے بتایا سب سے زیادہ ہلاکتیں لیہہ میں 144 ہوئیں اور اس کے بعد ضلع کرگل میں 58 افراد ہلاک ہوئے۔انہوں نے بتایا کہ ضلع لیہہ میں کووڈ کے کل 16607 مریضوں میں سے 16253 افراد صحتیاب ہوئے ہیں جبکہ ضلع کرگل میں کل 3508 میں سے 3416 افراد تندرست ہوئے ہیں۔نئے کیسز میں سے 10 لیہہ اور چار کرگل سے رپورٹ ہوئے۔مسلسل 14 ویں دن لداخ میں کووڈ سے کسی کی ہلاکت کی اطلاع نہیں ہے۔ہفتہ کے روز لداخ میں گیارہ مریضوں کو مختلف اسپتالوں سے فارغ کیا گیا۔ لداخ میں فعال مریضوں کی تعداد 244 ہوگئی ہے جن میں لیہہ میں 210 اور ضلع کرگل میں 34 شامل ہیں۔