لاہورمیں حافظ سعید کے گھر کے سامنے دھماکہ

 لاہورہ // پاکستان میں لاہور کے علاقے جوہر ٹاؤن میںجماعت الدعو ((جے یو ڈی) کے سربراہ حافظ سعید کے گھرنزدیک  ہونے والے دھماکے کے میں 3افراد ہلاک جبکہ 20 افراد زخمی ہوئے ۔پولیس کے مطابق جوہر ٹاؤن میں ہونے والا بارودی مواد کا دھماکا ایک گھرکے باہرکھڑی گاڑی میں ہوا جس کے نتیجے میں کئی مکانات کو نقصان  پہنچا اور کئی راہ گیر بھی زخمی ہوئے، دھماکے سے زمین میں 4 فٹ گہرا گڑھا پڑ گیا اور پانی کے پائپ پھٹ گئے۔اسپتال انتظامیہ کا کہنا ہے کہ دھماکے میں زخمی ہونے والوں میں پولیس اہلکار، ایک خاتون اور دو بچے بھی شامل ہیں اور جلنے کے باعث تمام زخمیوں کی حالت تشویشناک ہے۔آئی جی پنجاب انعام غنی کا کہنا ہے کہ دھماکا ملک دشمن عناصرکی کارروائی ہے۔