عظمیٰ نیوز ڈیسک
غزہ//غزہ پر اسرائیلی حملوں نے فلسطین کے 902خاندانوں کا نام و نشان مٹا دیا، ان خاندانوں کے تمام افراد گزشتہ سال کے دوران جاں بحق کر دئے گئے۔ رپورٹس کے مطابق تقریباً 1364فلسطینی خاندان ایسے ہیں جن کا صرف ایک فرد باقی بچا ہے جبکہ 3472کے قریب ایسے فلسطینی خاندان ہیں جن کے صرف 2افراد زندہ ہیں۔عرب میڈیا کے مطابق 17ہزار سے زیادہ بچے والدین میں سے کسی ایک یا دونوں کو کھو چکے ہیں۔تازہ حملے میں اسرائیلی فوج نے غزہ میں کلینک پر بمباری کرکے نومولود سمیت 4 افراد کو شہید کردیا جبکہ متعدد زخمی ہوئے۔میڈیا رپورٹ کے مطابق دیرالبلاح میں ایک گھر میں اسرائیلی بمباری میں دو فلسطینی جاں بحق اور متعدد زخمی ہوگئے، مغازی پناہ گزیں کیمپ میں فلسطینیوں کے گروپ پر ڈرون حملے میں 2فلسطینی جاں بحق ہوئے۔خیال رہے کہ7اکتوبر 2023 کے بعد سے غزہ میں اسرائیلی بمباری سے اب تک 42 ہزار 126 افراد جاں بحق اور 98 ہزار 117 زخمی ہوگئے ہیں۔
