عظمیٰ نیوز سروس
سرینگر// وزیر اعلیٰ عمر عبداللہ نے ہفتہ کو ٹیم کو کرناٹک کے خلاف رانجی ٹرافی کی تاریخی فتح کے اعزاز میں 2 کروڑ روپے کے نقد انعام کا اعلان کیا۔ایکس پر شیئر کیے گئے ایک پیغام میں، چیف منسٹر نے کرناٹک کے ہوم گرائونڈ پر ان کی شاندار کارکردگی کی تعریف کرتے ہوئے کھلاڑیوں اور معاون عملے کو مبارکباد دی اور اس کامیابی کو جے کے کے کرکٹ سفر کے ایک اہم باب کے طور پر بیان کیا۔انہوں نے کہا کہ اس سنگ میل کی فتح نے مرکز کے زیر انتظام علاقے میں فخر کو روشن کیا ہے اور قومی کرکٹ کے میدان میں جموں و کشمیر کے مسلسل عروج کو اجاگر کرتے ہوئے خواہشمند کھلاڑیوں کو حوصلہ دیا ہے۔وزیراعلیٰ نے یہ بھی اعلان کیا کہ فاتح اسکواڈ کے ممبران اور نمایاں کھلاڑی نئی مطلع شدہ پالیسی کے تحت سرکاری ملازمتوں کے اہل ہوں گے۔انہوں نے خطے میں کھیلوں کے ٹیلنٹ کو فروغ دینے کے عزم کا اعادہ کیا۔
