غلطی سے حدمتارکہ عبور کرنیوالا پونچھ کا نوجوان

پونچھ// پونچھ کے سرحدی علاقے میںغلطی سے حد متارکہ عبور کرکے پاکستان جانے والے شہری کو  واپس بھیج دیا گیا ہے۔ چکاں داباغ کراسنگ پوائنٹ پر پاکستانی فوج نے اُس شہری کو بھارت کے حوالے کیا جو 15 ماہ قبل غلطی سے سرحد عبور کرکے پاکستانی حدود میںداخل ہواتھا ۔ پونچھ میں نادانستہ طور پر لائن آف کنٹرول عبور کرنے کے ایک سال اور تین ماہ بعد، پونچھ کے 35 سالہ محمد جاوید ولد نذیر الدین ساکن ہویلی پونچھ کو پاکستانی حکام نے دوپہر کے قریب چکاں دا باغ کراسنگ پوائنٹ پر بھارتی حکام کے حوالے کیا۔ ایس ایس پی پونچھ روہت باسکوترا نے بتایا کہ یہ شخص دسمبر 2020 میں پاکستان گیاتھا۔ اس سلسلے میں باضابطہ طور پر پہلے ہاٹ لائن پر سرحد پر تعینات دونوں ممالک کے فوجی افسران نے ایک دوسرے کو مطلع کیا تھا۔