عوام کو پھر لگامہنگائی کا جھٹکا‘

 نئی دہلی //بڑھتی ہوئی مہنگائی سے پریشان عوام کو ایک بار پھر مہنگائی کا زوردار جھٹکا لگا ہے۔ امول کمپنی نے پورے ہندوستان میں دودھ کی قیمت بڑھانے کا اعلان کر دیا ہے اور نئی قیمتیں یکم مارچ 2022 سے نافذ ہو جائیں گی۔ رپورٹ کے مطابق امول دودھ کی قیمتوں میں دو روپے فی لیٹر کا اضافہ کیے جانے کا فیصلہ لیا گیا ہے۔ گجرات کے احمد ا?باد اور سوراشٹر کے بازاروں میں امول گولڈ کی نئی قیمت 30 روپے فی 500 ملی لیٹر ہوگی، جب کہ امول تازہ 24 روپے فی 500 ملی لیٹر اور امول شکتی 27 روپے فی 500 ملی لیٹر ہوگی۔ گجرات کوآپریٹو ملک مارکیٹنگ فیڈریشن نے ایک سال مکمل ہونے سے قبل ہی دودھ کی قیمتیں بڑھا دی ہیں۔ اس سے قبل جولائی 2021 میں دودھ کی قیمتیں بڑھائی گئی تھیں۔ چونکہ دودھ کا استعمال ہر گھر میں ہوتا ہے، اس لیے دودھ کی بڑھی ہوئی قیمت کا اثر بھی سبھی خاندان پر ہونا لازمی ہے۔ ہندوستان میں پہلے ہی مہنگائی کی وجہ سے عوام پریشان ہیں، اور اب دودھ کی قیمتوں میں اضافہ سے غریب خاندانوں کے بجٹ پر اثر پڑنا بھی لازمی ہے۔