عمر عبداللہ کی ایک اور تصویر سوشل میڈیا پر وائرل

سرینگر//گزشتہ برس5 اگست سے مسلسل نظر بند جموں و کشمیر کے سابق وزیر اعلی عمر عبداللہ کی ایک نئی تصویر سوشل میڈیا پر وائرل ہو رہی ہے۔ سی این آئی کے مطابق جموں کشمیر کے سابق وزیر اعلیٰ اور نیشنل کانفرنس کے نائب صدعمر عبد اللہ جو 5 اگست 2019سے مسلسل نظر بند ہیں، کی ایک اور تصویر سوشل میڈیا پر وائر ل ہو گئی ہے ۔ تصویر میں عمر عبداللہ ایک ڈاکٹر کے ساتھ نظر آ رہے ہیں۔یہ تصویر ایک کمرے میں بنائی گئی ہے جس میں عمرعبداللہ کے چہرے پر بڑی داڑھی دکھائی دے رہی ہے اور وہ ایک ڈاکٹر کے ساتھ نظر آرہے ہیں۔ تصویر میں ان کے ساتھ موجود شخص کی شناخت تاحال نہیں ہوئی ہے۔خیال رہے کہ جموں و کشمیر سے دفعہ 370 کی منسوخی کے بعد سے نظر بند سابق وزیراعلی عمرعبداللہ کی یہ دوسری تصویر ہے جو سوشل میڈیا پر ٹرینڈ کر رہی ہے جس میں وہ انتہائی الگ انداز میں نظر آرہے ہیں۔مرکزی حکومت کی جانب سے دفعہ 370 کی منسوخی اور ریاست کو دو وفاقی علاقوں میں تقسیم کرنے سے چند گھنٹے قبل عمر عبداللہ، فاروق عبداللہ، محبوبہ مفتی سمیت سینکڑوں سیاسی رہنماوں کو حراست میں لیا گیاتھا۔ اگر چہ متعدد رہنماوں کو رہا کیا گیا، تاہم عمر عبداللہ، فاروق عبداللہ اور محبوبہ مفتی ابھی بھی نظر بند ہیں۔ انتظامیہ نے ان پر پی ایس اے کا اطلاق کر کے ان کی نظر بندی میں توسیع کر دی ہے۔