عمرعبداللہ نے یوگی آدیتہ ناتھ کوآڑے ہاتھوں لیا

سرینگر//نیشنل کانفرنس کے نائب صدرعمرعبداللہ نے جمعرات کواترپردیش کے وزیراعلیٰ یوگی آدیتہ ناتھ کوآڑے ہاتھوں لیاجنہوں نے لوگوں سے کہاتھا کہ وہ بھاجپا کو اقتدار میں لائیں یاممکنہ طورریاست کو ’’کشمیر،کیرالہ یابنگال‘‘میں تبدیل ہونے کاسامنا کریں۔عمرعبداللہ نے ٹوئٹ کرتے ہوئے کہا،’’وہ خوش قسمت ہوناچاہیے،جموں کشمیرمیں غریبی کم ہے،انسانی ترقی کے بہترپیمانے ہیں،جرائم کم ہیںاورعمومی طور اترپردیش سے زندگی گزارنے کے بہترمعیارہیں۔ہم میں کیاکمی ہے،گزشتہ تین چاربرس سے بہترحکومت نہیں ہے لیکن یہ عارضی مظہر ہے۔‘‘وہ آدیتہ ناتھ کے تبصرے پر اپنا ردعمل ظاہر کررہے تھے،جوانہوں نے اترپردیش اسمبلی کے پہلے مرحلے کے جمعرات کوہونے والے چنائو کے موقعہ پراپنے ایک ویڈیو بیان میں کیاتھا۔بھاجپاکے شعلہ بیان رہنمانے کہاتھاکہ فسادی جن کی سرگرمیوں کوان کی حکومت نے روکاتھا،اب تکلیف محسوس کررہے ہئں۔دہشت گرددھمکیاں دے رہے ہیں ۔انہوں نے مزیدکہا،’’ہوشیارہوجائو،اگرآپ نے اس وقت کوکھودیا،پانچ سال کے کام پرپانی پھرجائے گا۔اور اترپردیشن کو کشمیر،کیرالہ یابنگال بننے میں دیرنہیں لگے گی۔آدیتہناتھ نے ووٹروں سے اپیل کی تھی کہ ان کا ووٹ بے خوف زندگی کی ضمانت ہوگا۔