عظمیٰ مانیٹرنگ ڈیسک
غزہ // اقوام متحدہ نے کہا ہے کہ اسرائیل نے عالمی قوانین کو پامال، جنگی جرائم کا ارتکاب کیا۔اقوام متحدہ کے ہائی کمشنر برائے انسانی حقوق کی ترجمان الزبتھ تھروسل نے ایک بیان میں کہا کہ ہم نے بین الاقوامی انسانی قانون کے بنیادی اصولوں کا احترام کرنے میں اسرائیل کی بار بار ناکامیوں کو اجاگر کیا ہے۔ اسرائیل نے غزہ میں فوجی کارروائیوں کے دوران بلا امتیاز ، نا مناسب اور بے احتیاطی سے شہریوں کو نشانہ بنایا۔تھروسیل نے کہا کہ یہ خلاف ورزیاں جنگی جرائم کی ذمہ داری کا باعث بن سکتی ہیں اور دیگر مظالم کے جرائم کے خطرات سے بھی خبردار کیا ہے۔غزہ کی پٹی میں فلسطینی عوام کے خلاف صیہونی جارحیت کے آغاز کے بعد سے، قابض ریاست اور اقوام متحدہ کے درمیان تعلقات میں سیاسی کشیدگی اور باہمی بیانات کا مشاہدہ کیا گیا جس کے نتیجے میں فلسطینیوں کے خلاف غاصبانہ جنگی جرائم کا ارتکاب کیا گیا ہے۔قابض حکومت کا دعویٰ ہے پچھلے بیانات میں کہ غزہ پر جنگ کے بارے میں اقوام متحدہ کا موقف ‘‘حماس تحریک کے ساتھ ہے۔
ہلاکتوں کی تعداد 23708 ہوگئی
غزہ/یو این آئی/غزہ کی پٹی میں اسرائیلی حملوں میں ہلاک ہونے والے فلسطینیوں کی تعداد بڑھ کر 23708 ہو گئی ہے ۔غزہ کی وزارت صحت نے بتایا کہ گزشتہ 24 گھنٹے کے دوران اسرائیلی فوج کے حملوں میں 151 فلسطینی ہلاک جب کہ 248 زخمی ہوئے ۔وزارت کے مطابق 7 اکتوبر کو اسرائیل اور حماس کے درمیان تنازع شروع ہونے کے بعد سے اب تک 60005 فلسطینی اسرائیلی حملوں کی وجہ سے زخمی ہو چکے ہیں۔ متاثرین کی ایک بڑی تعداد اب بھی ملبے کے نیچے ہے اور ایمبولینس و سول ڈیفنس کی ٹیمیں ان تک نہیں پہنچ سکتیں۔
