ظہور احمد بٹ پر تیسراسیفٹی ایکٹ عائد

 سرینگر//ممنوعہ تنظیم جموں و کشمیر لبریشن فرنٹ کے بانی محمد مقبول بٹ کے بھائی ظہور احمد بٹ پر پبلک سیفٹی ایکٹ عائد کیا ہے۔ انتظامیہ کی جانب سے ظہور احمد بٹ پر تیسری مرتبہ پبلک سیفٹی ایکٹ کا اطلاق عمل میںکیا گیا ہے۔ظہور احمد بٹ شمالی ضلع ،کپوارہ کے ترہگام علاقے کے رہنے والے ہیں۔ ذرائع نے بتایا کہ ظہور احمد کو گزشتہ ماہ 12 تاریخ کو راجستھان کی جیل سے واپس کشمیر لایا گیا تھا اور تب سے وہ کپوارہ کی سب جیل میں مقید تھے۔ذرائع نے بتایا کہ ظہور احمد پر الزام ہے کہ وہ ملک مخالف، تخریبی سرگرمیوں اور تشدد بھڑکانے کی کوشش کررہے تھے۔ تازہ پی ایس اے کے بعد ظہور احمدکو جنوبی کشمیر کے ضلع اننت ناگ کے مٹن جیل منتقل کیا گیا ہے ۔