عظمیٰ نیوز سروس
سرینگر// ملی ٹینسی نیٹ ورکس کو ختم کرنے اور قانون کی حکمرانی کو تقویت دینے کی سمت ایک اہم قدم کے طور پر، کانٹر انٹیلی جنس کشمیر نے کالعدم حزب المجاہدین کے 4 ملزموں کے خلاف غیر ضمانتی وارنٹ حاصل کیے ہیں ۔ایڈیشنل سیشن جج( ٹاڈا/پوٹا )این آئی اے ایکٹ کے تحت نامزد خصوصی جج سری نگر کی معزز عدالت نے کیس کے ریکارڈ کا بغور جائزہ لینے کے بعد، محمد یوسف شاہ المعروف سید صلاح الدین ولد غلام رسول، کے خلاف ناقابل ضمانت وارنٹ جاری کیے بیان کے مطابق، مفرور ملزم نام نہاد متحدہ جہاد کونسل اور کالعدم حزب المجاہدین کا سربراہ ہے۔ مفرور وادی کشمیر کے مختلف تھانوں میں درج ملی ٹینسی سے متعلق کئی ایف آئی آر میں ملوث ہے۔غلام نبی خان جسے عامر خان کے نام سے بھی جانا جاتا ہے، ولد غلام رسول خان، ساکن لیور سری گفوارہ، اننت ناگ دوسرا کمانڈر ہے۔مفرور حزب المجاہدین کا ڈپٹی سپریم کمانڈر ہے اور ملی ٹینٹ ہینڈلر ہے۔ مفرور دیگر متعدد دہشت گردی سے متعلق سرگرمیوں میں ملوث ہے جس میں بھرتی اور سرگرمیوں میں تال میل شامل ہے اور اس کے خلاف وادی کشمیر کے مختلف پولیس اسٹیشنوں میں ایف آئی آر درج کی گئی ہیں”۔شیر محمد جسے بہادر/ریاض کے نام سے بھی جانا جاتا ہے، ولد شیر احمد، ساکن ملنگام، بانڈی پورہ تیسرا کمانڈر ہے۔
بیان کے مطابق مفرور ملزم کالعدم حزب المجاہدین کا کمانڈر ہے۔ وہ ملی ٹینٹوںسے متعلق مختلف سرگرمیوں میں ملوث ہے اور اس کے خلاف یو اے پی ایکٹ کی دفعات کے تحت مقدمات درج کیے گئے ہیں۔”۔چوتھاناصر یوسف قادری ولد محمد یوسف قادری ساکن ڈار محلہ، حبہ کدل، حال ابوبکر کالونی، بمنہ ہے۔”مفرور ملزم کا تعلق حزب المجاہدین سے ہے اور وہ ملی ٹینسی کے بیانیے کی مشینری کے لیے کام کر رہا ہے۔ مفرور کشمیر میڈیا سروس کو چلانے میں بھی ملوث ہے، جو کہ بھارتی ریاست کے خلاف جھوٹے بیانیے کو پھیلانے اور کمیونٹیز اور افراد کے خلاف عمومی دھمکیاں جاری کرنے میں مصروف ہے۔”یہ مقدمہ 5 اپریل 1996 کو پولیس سٹیشن CIK، سرینگر میں موصول ہونے والی مصدقہ اطلاعات کے بعد شروع ہوا، جس میں یہ انکشاف کیا گیا تھا کہ پاکستان میں مقیم ملی ٹینٹ ہینڈلرز اور انٹیلی جنس ایجنسیاں ہندوستانی یونین کے خلاف جنگ چھیڑنے کے مقصد سے کشمیری نوجوانوں کو تربیت حاصل کرنے کے لیے متحرک اور سہولت فراہم کر رہی تھیں۔تفتیش کے دوران، ٹھوس مادی شواہد اکٹھے کیے گئے جو کہ پہلی نظر میں کالعدم حزب المجاہدین سے وابستہ ملزمان کی غیر قانونی اور ملک دشمن سرگرمیوں بشمول بنیاد پرستی، بھرتی اور کارروائیوں میں سہولت کاری میں ملوث ہونے کا ثبوت دیتے ہیں۔ بیان میں کہا گیا ہے کہ سی آئی کے کی جانب سے ان کی گرفتاری کے لیے مسلسل کوششوں کے باوجود، ملزمان مفرور ہیں اور جان بوجھ کر گرفتاری سے بچ رہے ہیں۔CIK کے پیش کردہ شواہد پر بغور غور کرنے پر، معزز عدالت نے مشاہدہ کیا کہ مبینہ جرائم سنگین نوعیت کے ہیں، جو براہ راست ریاست کے خلاف جنگ چھیڑنے اور قومی سلامتی کے لیے منفی سرگرمیوں سے متعلق ہیں۔عدالت نے مزید کہا کہ موثر تفتیش اور انصاف کی منزل کو محفوظ بنانے کے لیے ملزم کا حراستی معائنہ ضروری ہے۔ مطمئن ہونے پر کہ کافی بنیادیں موجود ہیں، عدالت نے غیر ضمانتی وارنٹ جاری کرنے کی ہدایت کی۔
