صحت و طبی تعلیم محکمہ کی حتمی سلیکشن لسٹ جاری کرنے کے حق میں احتجاج

 جموں//محکمہ صحت وطبی تعلیم کے خواہشمندوں نے ایک احتجاجی مظاہرے کا اہتمام کیا جس میں حتمی سلیکٹ لسٹ جاری کرنے کا مطالبہ کیا گیا۔مظاہرین یہاں جمع ہوئے اور محکمہ صحت اور میڈیکل ایجوکیشن میں مختلف اسامیوں کے لیے آنے والے امیدواروں کی حتمی سلیکشن لسٹ جاری کرنے کا مطالبہ کیا۔مظاہرین میں سے ایک نے کہا’’JKSSB نے انتخاب کا عمل انجام دیا اور ایک عارضی فہرست جاری کی گئی اور پھر دستاویز کی تصدیق کی گئی۔ تاہم حتمی انتخابی فہرست جاری نہیں کی گئی۔ جب ہم نے جے کے ایس ایس بی سے رابطہ کیا تو ہمیں بتایا گیا کہ عدالت میں مقدمات چل رہے ہیں‘‘ ۔اپنے مطالبات کے حق میں بینرز اور پوسٹرز تھامے ہوئے انہوں نے کہا کہ ہم حتمی انتخابی فہرست کا انتظار کرتے ہوئے بوڑھے ہو جائیں گے جس میں تاخیر ہو رہی ہے۔انہوں نے کہا کہ نوجوانوں کو ہراساں کیا جا رہا ہے جسے روک کر فہرست جاری کی جائے۔