صحافی عاقب جاوید کے ساتھ ناشائستہ سلوک

سرینگر//کشمیر ایڈیٹرس گلڈ نے سائبر سی پولیس منتظمین کے ہاتھوں صحافی عاقب جاوید کے ساتھ توہین آمین سلوک پر سخت غم و غصے اور تشویش کا اظہار کر تے ہوئے کہاہے کہ عاقب جاوید جو سرکاری طور پر ایک تسلیم شدہ صحافی ہیں کونئی دہلی کے ایک نیوز پورٹل پران کے نام سے شائع شدہ رپورٹ کی بنا پر طلب کیا گیا تھا۔ گلڈ نے آج یہاں جاری کئے گئے ایک بیان میں کہا ہے کہ کسی بھی نیوز رپورٹ کی ذمہ داری پبلشر پر عاید ہوتی ہے نہ کہ رپورٹر پر اس لئے رپورٹر کو بلا کر جو طریقہ کار اختیار کیا گیا وہ جمہوری قدروںکے سراسر منافی ہے۔ااس سلسلے میں ویب سائٹ کی وساطت سے عاقب نے تفصیل بیان کرتے ہوئے کہا ہے کہ اس کو بلا کر اس کے ساتھ نہ صرف بدسلوکی کی گئی بلکہ اسے تھپڑبھی رسید کیا گیا ے۔بیان کے مطابق فون کال کی بنیاد پر ، سائبر سیل سے ، ویب سائٹ ایڈیٹر نے رپورٹ سے متعلق کئی باتوں کو تسلیم کیا اور فوراًہی ان کی تصحیح بھی کردی۔اس کے باوجود اگر اس رپورٹ پر مزید کوئی اعتراض تھا تو رپورٹر اور ویب سائٹ اخلاقی طور پر اس کی تصحیح کرنے کے پابند تھے۔کے ای جی سختی کے ساتھ اس اصول پر کاربند رہا ہے کہ نامہ نگار کسی بھی واقع کے بارے میں صرف اس کی تفصیلی جانکاری فراہم کرنے کے علاوہ اپنی طرف سے کوئی تبصرہ کرنے کا صحافتی اقدار کے مطابق مجاز نہیں ہے۔ اس لحاظ سے رپورٹر کاکردار غیر جانبدارانہ ہے لیکن افسوس کہ اس کے باوجود بھی مسائل پیدا ہوتے ہیں اور میڈیا ارکان ایسی زیادتیوں کے شکار ہوتے ہیں۔ چنانچہ کے ای جی حکام سے مطالبہ کرتا ہے کہ وہ ایسی صورتحال پیدا نہ کریں جس میں میڈیا کے لئے غیر جانبداری اور پیشہ ورانہ اصولوں کے مطابق کام کرنا مشکل ہوجائے ساتھ ہی واقعات کا ریکارڈ باقی نہ رہے۔جموں و کشمیرسے شائع ہونے والے اخباروں اور ملک کے اندر اور بیرون ملک متنوع میڈیا کے لئے رپورٹنگ کرنے والے بشمول کشمیر میڈیا پیشہ ورانہ اہلیت کے مالک ہیں۔ اس لئے میڈیا کو جان بوجھ کر شکار بنانامعاشرے اور جمہوریت دونوں کیلئے نقصان دہ ہوگا

 

سائبر پولیس نے بے بنیاداورمن گھڑت قراردیا