جموں// جموں میں پرامن مظاہرین کے خلاف جموں و کشمیر پولیس کی طرف سے طاقت کے استعمال کے خلاف شیوسینا کے اراکین نے احتجاج کیا۔یہ مظاہرین بارڈر بٹالین کے امیدواروں کے خلاف پولیس کے مبینہ تشدد پر برہمی کا اظہار کررہے تھے۔ احتجاج کرنے والے شیو سینا لیڈروں نے کہا کہ جو اسامیاں ریکروٹمنٹ ایجنسی کو بھیجی گئی تھیں وہ بے روزگار نوجوانوں کی تکالیف کا خیال کیے بغیر واپس لے لی گئیں۔مظاہرین کا کہنا تھا کہ بے روزگار نوجوانوں کو روزگار ملنے تک 5 ہزار روپے ماہانہ دیا جائے۔مظاہرین کا کہنا تھا کہ "ہمیں حکومت کی طرف سے دی گئی یقین دہانیوں کے بارے میں یقین نہیں ہے کہ آیا وہ پورا ہوں گے یا نہیں لیکن بے روزگار نوجوانوں کے تحفظات کو ترجیحی بنیادوں پر سمجھا جانا چاہیے۔"
شیوسینا کابارڈر بٹالین امیدواروں پر پولیس کارروائی کیخلاف احتجاج
