نئی دہلی // وزیر اعظم نریندر مودی نے اتوار کے روز کہا کہ اپنے سات سالہ دور اقتدار میں ملک اور ملک کے شہریوں نے بہت ساری کامیابیاں حاصل کرتے ہوئے دہائیوں پرانے تنازعات کو پرامن طریقے سے حل کیا۔اپنے ماہانہ ریڈیو پروگرام ‘من کی بات’ میں مودی نے کہا کہ گزشتہ سات برسوں میں ملک کے بہت سے پرانے تنازعات کو مکمل امن اور ہم آہنگی سے حل کیا گیا ، شمال مشرق سے کشمیر تک امن اور ترقی کا ایک نیا اعتماد پیدا ہوا ہے ۔وزیر اعظم نے کہا کہ ان سات برسوں میں ملک نے ‘سب کا ساتھ ، سب کا وکاس ، سب کا وشواس’ کے منتر پر عمل کیا ۔ ہم سب نے ملکی خدمت میں ہر لمحہ لگن کے ساتھ کام کیا ہے ۔ کیا آپ نے سوچا ہے یہ سارے کام جو کئی دہائیوں میں بھی نہیں ہوسکے تھے ، ان سات برسوں میں کیسے انجام دیئے گئے ؟ یہ سب اسلئے ممکن ہوا کیونکہ ان7 برسوں میں ہم نے حکومت اور عوام سے زیادہ ایک ملک کے طور پرکام کیا ، ایک ٹیم کی حیثیت سے کام کیا۔ ٹیم انڈیا کی حیثیت سے کام کیا۔ ہر شہری نے ملک کو ترقی دینے میں چند قدم آگے بڑھنے کی کوشش کی ہے ۔ جی ہاں ! جہاں کامیابیاں ہوتی ہیں ، وہیں امتحان بھی ہوتے ہیں۔ ان سات برسوں میں ہم نے ایک ساتھ مل کر کئی مشکل امتحان بھی دیئے ہیں اور ہر بار ہم سبھی مضبوط ہوکر نکلے ہیں ۔ کورونا وبا کی شکل میں اتنا بڑا امتحان مسلسل جاری ہے ۔ یہ ایک ایسا بحران ہے جس نے پوری دنیا کو پریشان کردیا ہے ، کتنے لوگوں نے اپنے پیاروں کو کھو دیا ہے ۔ یہاں تک کہ بڑے بڑے ممالک بھی اس کی تباہی سے نہیں بچ سکے ۔ اس عالمی وبا کے درمیان ہندوستان ‘سیوا اور سہیوگ’(خدمت اور تعاون) کے عزم کے ساتھ آگے بڑھ رہا ہے ۔وزیر اعظم نے کہا کہ گذشتہ 100 برسوں میں سب سے بڑی کورونا وبا کے خلاف ملک پوری طاقت کے ساتھ لڑ رہا ہے ،گزشتہ 100 برسوں میں یہ سب سے بڑی وبا ہے ۔ اس وبا کے درمیان ہندوستان نے کئی قدرتی آفات کا ڈٹ کر مقابلہ کیا ۔ اس دوران طوفان آمفن ، نسرگ ، کئی ریاستوں سیلاب میں آیا ، کئی زلزلے آئے ، لینڈ سلائیڈنگ ہوئی۔ مودی نے کہا کہ کورونا وبا کے دوران جب ملک آکسیجن کی کمی سے دوچار تھا ، اس وقت فضائی ، بحری ، زمینی اور ریل راستوں کے ذریعے بیرون ملک آکسیجن کی فراہمی کی گئی ۔ انہوں نے کہا کہ اس دوران مسلح افواج کے جوانوں نے دن رات ملک میں آکسیجن کی فراہمی کو یقینی بنایا اور بڑی تعداد میں لوگوں کی جانیں بچائی ۔مودی نے کہا کہ آکسیجن کی طلب میں اچانک اضافے کے بعد کورونا کی دوسری لہر میں 10 گنا آکسیجن تیار کئے جارہے ہیں۔انہوں نے بتایا کہ "آپ اندازہ لگاسکتے ہیں ، عام دنوں میں ہم ایک دن میں 900 ٹن مائع طبی آکسیجن تیار کرتے تھے ۔ اب یہ 10 گنا سے زیادہ بڑھ کر تقریبا روزانہ تقریبا 9500 ٹن پیداوار ہورہاہے ۔
شمال مشرق سے کشمیر تک امن اور ترقی کا نیا اعتماد پیدا | 7 سال میںدہائیوں پرانے تنازعات حل کئے :مودی
