شمالی کشمیر کے بارہمولہ ضلع میں سڑک حادثہ، 10پولیس اہلکار زخمی

سرینگر/شمالی کشمیر کے بارہمولہ ضلع میں جمعہ کو ایک سڑک حادثے کے نتیجے میں دس پولیس اہلکار زخمی ہوگئے۔

اطلاعات کے مطابق پولیس کی ایک گاڑی ڈنگی وچھہ سے سرینگر کی طرف آرہی تھی جس کو رفیع آباد علاقے میں  ٹریکہ پورہ کے نزدیک حادثہ پیش آیا۔

اس حادثے میں دس پولیس اہلکار زخمی ہوگئے جنہیں ضلع اسپتال بارہمولہ پہنچایا گیا۔

مقامی خبر رساں ایجنسی جی این ایس کے مطابق زخمی پولیس اہلکاروں میں کانسٹیبل بھوپال، کانسٹیبل روی کمار، کانسٹیبل انیل کمار، کانسٹیبل محمد شفیع، کانسٹیبل وشال کمار، کانسٹبل عاصف یوسف، کانسٹیبل سید تنویر، کانسٹیبل معراج الدین اور کانسٹیبل طارق احمد شامل ہیں۔

ان سبھی زخمی اہلکاروں کی حالت مستحکم بتائی جارہی ہے۔