۔ 20جولائی کے بعد پھر سے بارشوں کی پیشگوئی
عارف بلوچ
اننت ناگ// اوورا-پہلگام پٹی میں حالیہ بادل پھٹنے سے پینے کے پانی کی سپلائی کی دو تہائی سے زیادہ سکیمیں بدستور ناکارہ ہیں، جس سے جنوبی کشمیر کے ہزاروں صارفین پانی کے ٹینکروں پر انحصار کر رہے ہیں کیونکہ حکام سیلاب سے تباہ شدہ انفراسٹرکچر کو بحال کرنے کی جدوجہد کر رہے ہیں۔ بادل پھٹنے اور اس کے نتیجے میں آنے والے سیلاب نے پینے کے پانی کی سپلائی کی 79 سکیمیں پائپ لائنوں کے ڈھہ جانے، ڈھانچے کو نقصان پہنچانے اور درجنوں دیہاتوں کو پینے کے صاف پانی کی سپلائی کرنے والے اہم نیٹ ورکس میں خلل ڈالنے کے بعد بند کر دیں گئیں۔ جب کہ بحالی کی ٹیمیں 22 سکیموں کو بحال کرنے میں کامیاب ہو گئی ہیں، باقی 57 کو ابھی تک بحال نہیں کیا جا سکا ہے، جس سے کئی متاثرہ علاقوں میں پانی کا بحران ہے۔ 11 جولائی کی رات کو بادل پھٹنے اور اس کے نتیجے میں آنے والے سیلاب نے محکمہ جل شکتی کے چار سب ڈویژنوں میں 79 واٹر سپلائی سکیموں کو نقصان پہنچایا ۔ایگزیکٹیو انجینئر، جل شکتی ڈویژن اننت ناگ، سریر احمد نے بتایا کہ بادل پھٹنے اور سیلاب نے ضلع کے چار سب ڈویژنوں میں جل شکتی نیٹ ورک کو نقصان پہنچایا ۔انہوں نے کہا کہ سب سے زیادہ متاثرہ سب ڈویژن بجبہاڑہ ہے جہاں 45 واٹر سپلائی سکیمیں متاثر ہوئی ہیں۔ ان میں سے 38 سکیموں میں گندگی کے مسائل پیدا ہوئے، جب کہ اننت ناگ ٹائون، بجبہارہ ٹائون، مٹن ٹائون اور اچھہ بل ٹائون کو پورا کرنے والی چار سکیمیں بھی متاثر ہوئیں۔ انہوں نے کہا کہ اس کے بعد شہر کی سطح کی چار سکیمیں بحال کردی گئی ہیں۔احمد نے کہا کہ متاثر ہونے والی 38 سکیموں میں سے 30 کو اب تک بحال کر دیا گیا ہے۔ انہوں نے کہا کہ بقیہ سکیموں میں پائپ نیٹ ورک بدستور خراب ہے، اور نقصان کی تشخیص اور پائپ لائن کی بازیافت کا کام جاری ہے۔ انہوں نے کہا کہ پانی کی سطح کم ہونے اور نیٹ ورک مکمل طور پر بحال ہونے تک متاثرہ علاقوں میں پینے کے پانی کی فراہمی کے لیے ٹینکر خدمات کا انتظام کیا گیا ہے۔انہوں نے کہا کہ پہلگام کی طرف نسبتاً کم نقصان ہوا، صرف پانچ سکیمیں متاثر ہوئیں۔ انہوں نے کہا کہ اس رات ضلع میں دو الگ الگ مقامات پربادل پھٹے ، ایک چھترگل میں اور دوسرا پہلگام میں، اور زیادہ تر متاثرہ سکیمیں چھترگل کی طرف تھیں۔ انہوں نے کہا کہ وہاں بھی بحالی کا کام جاری ہے۔ اننت ناگ سب ڈویژن میں 75 میں سے 31 واٹر سپلائی سکیمیں بادل پھٹنے اور اچانک سیلاب سے متاثر ہوئیں۔ انہوں نے کہا کہ ان میں سے نو سکیموں میں گندگی کے مسائل پیدا ہوئے جبکہ 23 کو جسمانی نقصان پہنچا۔ متاثرہ سکیموں میں سے سولہ کو اب تک آپریشنل کر دیا گیا ہے، باقی پر بحالی کا کام جاری ہے۔
موسم کی پیش گوئی
محکمہ موسمیات نے منگل کے روز جموں و کشمیر میں 17 جولائی تک خشک اور مرطوب موسم کی پیش گوئی کی ہے، 20 جولائی کے بعد سے ایک اہم گیلے موسم کا انتباہ دیا ہے، جس سے کچھ علاقوں میں سیلاب، بادل پھٹنے اور لینڈ سلائیڈنگ کے امکانات ہیں۔ ڈائریکٹر محکمہ موسمیات ڈاکٹر مختار احمد نے کہا کہ 18 سے 19 جولائی کے درمیان ہلکی سے درمیانی بارش کا امکان ہے، اس کے بعد 20 جولائی سے 22 جولائی تک مزید شدید بارش ہوسکتی ہے۔ڈاکٹر احمد نے کہا، “20 جولائی کے بعد سے، موسم کی شدید سرگرمی کے امکانات ہیں، خاص طور پر 21 جولائی کو، کئی مقامات پر گرج چمک کے ساتھ بارشیں ہوں گی۔” ۔محکمہ موسمیات نے سیاحوں، ٹرانسپورٹرز، ٹریکرز اور عام لوگوں کو 20 جولائی سے انتہائی احتیاط برتنے کا مشورہ دیا ہے۔ کسانوں کو مشورہ دیا گیا ہے کہ وہ اس کے مطابق آبپاشی اور سپرے کے کاموں کی منصوبہ بندی کریں۔
