سرینگر//صورہ میڈیکل انسٹی چیوٹ میں کینسرکے مریضوں کو بہتر طبی نگہداشت اور دیکھ بال کو یقینی بنانے کیلئے وارڈ میں مزید 15بیڈلگائے گئے ہیں ۔اس موقعہ پر سکمز کے ڈائریکٹر پروفیسر عمر جاوید شاہ نے کہا کہ ہسپتال میں قایم ریجنل کینسر سنٹر کی طرف سے کینسرکے مریضوں کو تمام قسم کی معالجاتی سہولیات فراہم کی جارہی ہیں ۔انہوں نے کہا کہ کینسر کے مریض بہترعلاج و معالجہ کا مستحق ہے اور ان مریضوں کو آرام دہ اور پرسکون، اعلی درجے کی معالجاتی ٹیکنالوجی اور مثالی دیکھ بھال کی فراہمی کو یقینی بنانے کیلئے طبی عملہ کوشاں رہتا ہے ۔انہوں نے مزید کہا کہ کینسر کے مریضوںکی تعداد میں اضافے کی وجہ سے ہسپتال میں جگہ کی کمی کی وجہ سے مریضوں کو انتظار کرنا پڑتا تھا اور انہیں قطاروں میں کھڑا رہنا پڑتا تھا جسکے بعد یہ ضرورت محسوس ہوئی کہ ان مریضوں کی دیکھ بال ہو اور اس کیلئے کار گر اقدمات اٹھائے گئے ۔اس موقعہ پر سکمز کے مختلف شعبوں کے سربراہان اور آفیسران موجود تھے ۔
