سٹاک مارکیٹ میں اُتار چڑھاؤ

 عظمیٰ نیوز ڈیسک

ممبئی // عالمی منڈی میں ملے جلے رجحان کے درمیان ایچ ڈی ایف سی بینک، آئی سی آئی آئی بینک، ایس بی آئی اور انفوسس سمیت دس گروپوں میں مقامی خریداری کی وجہ سے سینسیکس کل مسلسل تیسرے دن تیزی پر رہا، جبکہ نفٹی گراوٹ پر رہا۔بی ایس ای کا 30 شیئروں کا حساس انڈیکس سینسیکس 36.45 پوائنٹس کے معمولی اضافے کے ساتھ 77,337.59 پوائنٹس پر پہنچ گیا۔ اسی وقت نیشنل اسٹاک ایکسچینج (این ایس ای) کا نفٹی 41.90 پوائنٹس گر کر 23,516.00 پوائنٹس پر آگیا۔ بڑی کمپنیوں کے برعکس بی ایس ای کی درمیانی اور چھوٹی کمپنیوں کے حصص میں فروخت ہوئی جس کی وجہ سے مڈ کیپ 0.91 فیصد گر کر 45,833.59 پوائنٹس اور اسمال کیپ 0.58 فیصد گر کر 51,393.30 پوائنٹس پر آ گیا۔اس عرصے کے دوران بی ایس ای میں کل ملاکر 3974 کمپنیوں کے حصص میں کاروبار ہوا جن میں سے 2235 میں گراوٹ، 1634 میں اضافہ ہوا جبکہ 105 میں کوئی تبدیلی نہیں ہوئی۔ اسی طرح نفٹی کی 39 کمپنیوں میں فروخت ہوئی جبکہ 11 کمپنیوں میں خریدار ہوئی۔بی ایس ای میں فنانشل سروسز گروپ کے حصص میں 1.10 فیصد، آئی ٹی میں 0.38 فیصد اور بینکنگ گروپ کے حصص میں 1.97 فیصد اضافہ ہوا جبکہ 17 گروپوں کے حصص میں کمی ہوئی۔ اس عرصے کے دوران سی ڈی 1.09، انرجی 1.71، انڈسٹریلس 1.82، ٹیلی کام 1.07، یوٹیلٹیز 1.46، آٹو 1.30، کیپٹل گڈز 2.15، کنزیومر ڈیوریبلز 2.42، میٹل 1.24، آئل اینڈ گیس 1.97، پاور 1.86، ریئلٹی 2.97 اور سروسz گروپ کے حصص 0.90 فیصد کمزور رہے۔بین الاقوامی سطح پر ملا جلا رجحان رہا۔ اس عرصے کے دوران برطانیہ کے ایف ٹی ایس ای میں 0.01، جاپان کے نکیئی میں 0.23 اور ہانگ کانگ کے ہینگ سینگ میں 2.87 فیصد مضبوط رہا جبکہ جرمنی کے ڈی اے ایکس میں 0.24 اور چین کے شنگھائی کمپوزٹ میں 0.40 فیصد کا اضافہ ہوا۔