سری لنکا کے بعد ہندوستان نے کیا زمبابوے کا دورہ ملتوی

ممبئی /بورڈ آف کنٹرول فار کرکٹ ان انڈیا (بی سی سی آئی) نے کورونا وائرس کے خطرے کے پیش نظر رواں برس اگست میں ہونے والے زمبابوے کا دورہ ملتوی کرنے کا فیصلہ کیا ہے ۔اس سے قبل ہندوستان نے سری لنکا کا دورہ کورونا کی وجہ سے ملتوی کردیا تھا۔ ہندستان کو رواں سال 24 جون سے سری لنکا کے خلاف تین ون ڈے اور تین ٹی ٹوئنٹی میچوں کی سیریز کھیلنی تھی جبکہ اسے 22 اگست سے زمبابوے کے خلاف تین ون ڈے میچوں کی سیریز کھیلنا تھی۔ سری لنکا کرکٹ نے جمعہ کو دورے کے التوا سے آگاہ کیا تھا جس کے بعد بی سی سی آئی نے دیر رات سری لنکا اور زمبابوے کے دورے کے ملتوی ہونے کی تصدیق کرتے ہوئے ایک بیان جاری کیا۔بی سی سی آئی نے کہا کہ کورونا وائرس کے خطرہ کی وجہ سے ہندوستانی ٹیم سری لنکا اور زمبابوے کا دورہ نہیں کرے گی۔ ٹیم نے 24 جون کو سری لنکا کے ساتھ تین ون ڈے اور تین ٹی ٹوئنٹی میچوں کی سیریز کھیلی تھی اور 22 اگست سے زمبابوے کے ساتھ تین ون ڈے میچ کھیلنے تھے ۔بی سی سی آئی نے یہ بھی واضح کیا کہ وہ معاہدہ کرنے والے کھلاڑیوں کے لئے صرف اس وقت کیمپ لگائے گا جب حفاظتی انتظامات کے مناسب انتظامات ہوں گے ۔ بیان میں کہا گیا ہے کہ بی سی سی آئی گھریلو اور بین الاقوامی کرکٹ شروع کرنے کی کوشش کر رہی ہے لیکن وہ کوئی بھی فیصلہ نہیں لینا چاہتی ہے جو کورونا کے خلاف مرکزی اور ریاستی حکومت کی جنگ میں رکاوٹ بنے ۔یو این آئی