جے پو//(یو این آئی )مرکزی حکومت کے ذریعہ لائے گئے تینوں زرعی قوانین کے نفع ونقصان پر سکھ نمائندوں نے جے پور میں ایک سیمینار کا انعقاد کیا جس میں اس کے فائدہ ونقصانات پر تبادلہ خیال کیا گیا۔راجستھان کے سکھ کمیونیٹی کے نمائندوں نے ہفتہ کو جے پور میں واقع گرونانک دیو سینئر سیکنڈری اسکول کے آڈیٹوریم میں ان قوانین کے بارے میں اپنے خیالات پیش کئے۔ اس عرصے کے دوران تحریک کے نفع ونقصان پر تفصیلی تبادلہ خیال کیا گیا۔ اس پروگرام میں ریاست کے مختلف حصوں سے کسان رہنما ، دانشور ، سکھ کمیونیٹی کے نمائندوں نے شرکت کی۔ اس موقع پر راجستھان سکھ ایڈوائزری کمیٹی کے کنوینر تیجندرپال سنگھ ٹما نے تینوں نئے زرعی قوانین کی مذمت کرتے ہوئے انہیں کسانوں ، تاجروں اور مزدوروں کو برباد کرنے والا قانون قرار دیا۔ ٹما نے بتایا کہ حکومت کی طرف سے کسانوں کی تحریک کو بھٹکانے کے لئے طرح طرح کی ہتھکنڈے اپنائے گئے اور اب بھی ہتھکنڈے اپنائے جارہے ہیں لیکن اس سے تحریک کمزور نہیں ہوگی۔(یو این آئی )
زرعی قوانین کے نفع و نقصان پر سکھ نمائندوں کا سیمینار
ملک و جہان کی خبروں سے رہیں اپڈیٹ
نیوز لیڑ ای میل پر پائیں
