روایتی قومی وُشو چمپئن شپ

 سرینگر//کیندریہ ودھیالہ نمبر1سرینگر میںتیسری جماعت میں زیر تعلیم پرزنتھ ونگو نے روایتی قومی وُشو آن لائن چمپئن شپ میں کانسی کا تمغہ جیت لیا ہے۔ چندی گڑھ یونیورسٹی کے اہتمام سے 30مئی سے4جون 2021تک منعقد ہونے والی قومی وشو چمپئن شپ میں مختلف ریاستوں اور مرکزی زیر انتظام علاقوں (یوٹیز) کے 400کھلاڑیوں نے حصہ لیا۔ اس سے قبل اسی برس پرزنتھ ونگو نے 20ویں سب جونیئر نیشنل میں کانسی کا تمغہ جیت لیا تھا۔ ڈاکٹر ڈی منجوناتھ ڈپٹی کمشنرKVS ROجموں، برگیڈیر وجینت یادو چیئرمین VMC ، کرنل ایچ کے شاہ چیئرمین نامنی VMC، ڈی پی پٹل، ٹی آر چودھری اسسٹنٹ کمشنر KVS ROجموں، کنور سنگھ پرنسپل، محترمہ کرونا ننداoffg، پرنسپل اور کیندر ودھیالیہ نمبر1سرینگر کے تمام عملہ نے پرزنتھ وانگو کو تمغہ جیتنے پر مبارکباد دی ہے ۔ انہوںنے امید ظاہر کی کہ مذکورہ باصلاحیت بچی مستقبل میں ودھیالیہ اور ملک کے لئے مزید اعزاز حاصل کرے گی۔