رام بن میں منشیات فروش کو 10 سال قید کی سزا

رام بن//سیشن کورٹ رام بن نے ایک منشیات فروش کو 10 سال کی قید اور ایک لاکھ روپے جرمانے کی سزا سنائی۔مجرم عابد احمد صوفی کھنہ بل ، ضلع اننت ناگ پولیس سٹیشن بانہال کے کیس نمبر 163/2017 زیردفعہ 8/15 این ڈی پی ایس ایکٹ میں ملوث تھا۔پولیس کے مطابق مذکورہ مقدمہ 20 اکتوبر 2017 کوپولیس سٹیشن بانہال میں درج کیا گیا تھا جب ریلوے کراسنگ ٹی چوک پر تعینات پولیس پارٹی نے ملزم کو 50 سے 60 کلو گرام پوست کے تنکے کے ساتھ کارزیر رجسٹریشن نمبر PB09R کے ساتھ پکڑ لیاتھا۔ پھر کیس پولیس سٹیشن بانہال میں درج کیا گیا تھا اور انسپکٹر اعجاز احمد وانی (اس وقت کے ایس ایچ تھے) نے تفتیش کی تھی۔