راجوری //سرحدی ضلع راجوری کے مختلف علاقوں میں پیر کو پیش آئے تین الگ الگ سڑک حادثات میں کم از کم پانچ افراد کی موت جبکہ دو افراد زخمی ہو گئے۔پولیس نے بتایا کہ پیرکی دیر شام خواص کے بھیلہ گاؤں کی سڑک پر پیش آئے حادثے میں ایک ٹپر – کو پیش آئے حادثے میں ڈرائیور سمیت تین افراد موقع پر ہی جاں بحق جبکہ ایک شخص شدید زخمی ہوگی ۔پولیس نے بتایا کہ گاڑی ڈرائیورکے کنٹرول سے باہر ہو کر گہری کھائی میں جاگری جس کی وجہ سے ہلاکتیں ہوئی ہیں ۔انہوں نے بتایاکہ حادثے میںمرنے والوں کی شناخت وکرم سنگھ ولد شام لال سکنہ دلہوڑی، شوکت علی ولد فتح محمد سکنہ جگلانو اور ستویر سنگھ سکنہ کانچی کے طور پر ہوئی ہے جبکہ حادثے میں زخمی ہونے والے کی شناخت رتن لال ولد دیو راج سکنہ دلہوڑی کے طور پر ہوئی ہے۔پولیس کا کہنا ہے کہ زخمی شخص کو پی ایچ سی خواص منتقل کیا گیا ہے جہاں وہ زیر علاج ہے۔ضلع میں پیش آئے ایک اور حادثے میں جموں راجوری پونچھ قومی شاہراہ پر پیش آئے سڑک حادثے میں ایک نوجوان کی موت ہو گئی جبکہ دوسرا زخمی ہو گیا۔پولیس نے بتایا کہ حادثہ راجوری قصبہ کے قریب مراد پور گاؤں میں اس وقت پیش آیا جب بی ایس ایف کا ایک ٹر ک زیر رجسٹریشن نمبر جJK02P 6512- راجوری سے جموں جا رہا تھا اور مخالف سمت سے آنے والی موٹر سائیکل JK11F 1957- مذکورہ گاڑی سے ٹکرا گئی ۔اس حادثہ میں موٹرسائیکل سوار اور ساتھ پیچھے سوار دونوں زخمی ہوگئے جنہیں بعد میں گورنمنٹ میڈیکل کالج راجوری منتقل کیا گیا۔ہسپتال میں موٹر سائیکل پر سوار محمد ارشد ولد محمد اعظم سکنہ چلاس زخموں کی تاب نہ لاتے ہوئے دم توڑ گیا جبکہ ڈرائیور ظہیر عباس ولد قادر حسین سکنہ چلاس زیر علاج ہے۔پولیس نے بتایا کہ ایف آئی آر 23/22 U/S 279/337/304A آئی پی سی کے تحت پولیس اسٹیشن راجوری میں مقدمہ درج کر لیا گیا ہے ۔ضلع میں تیسرا سڑک حادثہ بتھونی علاقہ میں پیش آیا جسمیں ایک ٹرک نے موٹر سائیکل سوار کو ٹکر مار کر ہلاک کردیا ۔متوفی کی شناخت امیت شرما (30) ولد مدن لال سکنہ ڈونگی کے طور پر کی گئی ہے ۔جموں وکشمیر پولیس نے اس سلسلہ میں معاملات درج کر کے مزید تحقیقات شروع کردی ہے ۔
راجوری ضلع میں مختلف سڑک حادثات | 5افراد لقمہ اجل ،2دیگر شدیدزخمی ہوگئے
