خطہ میںکورونا مثبت فعال کیسوں میںبھی اضافہ مسلسل جاری | علامات والے متاثرہ افراد کووڈ جانچ سے گریز کرتے ہیں،حکام کو تشویش

جموں//محکمہ صحت نے لوگوں کو کووڈ 19 کی مثبتیت کو غیر سنجیدگی سے لینے پر خبردار کیا ہے کیونکہ یہ جموں خطہ میں تباہی میں بدل سکتا ہے جہاں فعال مثبت معاملات کی تعداد 12479 تک پہنچ گئی ہے۔جموں خطہ میں ایکٹیو مثبت کیسوں میں اضافہ حیران کن انداز میں ہوا ہے جہاں یکم جنوری 2022 کو یہ تعداد 298 تھی لیکن کووڈ 19 کے پھیلاؤ کے 22 دنوں میں بڑھ کر 12479 ہو گئی۔محکمہ صحت کے ایک عہدیدارنے بتایا کہ انہوں نے متعدد معاملات میں نوٹ کیا ہے کہ وائرس سے متاثرہ مریض بعد کے مرحلے میں یہ سوچ کر علاج کے لیے ہسپتال جاتے ہیں کہ وائرس کا علاج گھر پر ہی کیا جاسکتا ہے۔ان کا کہناتھا’’عقیدے کے برعکس علامات والے متاثرہ افراد کو ڈاکٹروں سے مشورہ کرنا چاہیے اور کووڈ 19 کے لیے اپنا ٹیسٹ کروانے کے بعد جلد ہی علاج کروانا چاہیے۔ متعدد صحت کے مسائل والے افراد کو زیادہ محتاط رہنا چاہیے" ۔تاہم لوگ نمونے لینے کے لیے بھی نہیں آرہے ہیں۔انہوںنے مزید کہا’’لوگ کووڈ جانچ سے گریز کر رہے ہیں یہاں تک کہ ان کے ایک نمونے میں وائرس سے متاثر ہونے کے بعد بھی۔ یہ جانتے ہوئے کہ وہ متاثر ہو سکتے ہیں، وہ نمونے لینے والے مقامات یا ہسپتالوں میں ٹیسٹ کروانے کے بجائے علاج شروع کر دیتے ہیں"۔سرکاری اعداد و شمار کے حوالے سے بتایا گیا کہ انہوں نے 15 جنوری 2022 کو جموں خطے میں 5690 فعال مثبت کیس ریکارڈ کیے تھے اور اگلے دن کیس مزید بڑھ کر 6589 ہو گئے۔عہدیدارنے بتایاکہ17 جنوری کو ایکٹو مثبت کیس بڑھ کر 7185 ہو گئے اور 18 جنوری کو ایسے کیس بڑھ کر 8180 ہو گئے۔ اسی طرح 19 جنوری کو 9336 فعال مثبت کیس ریکارڈ کیے گئے اور دوسرے دن (20 جنوری) کیس مزید بڑھ کر 10535 ہو گئے۔عہدیدار نے کہا کہ یہ اضافہ نہیں رکا بلکہ 21 جنوری کو دوبارہ اضافہ ریکارڈ کیا گیا،11602 فعال مثبت کیس تھے اور 22 جنوری کو کیس بڑھ کر 12479 ہو گئے۔خطے کے جموں ضلع میں سب سے زیادہ مثبت معاملات درج ہو رہے ہیں۔انہوںنے کہا "آج جموں ضلع میں 1236 مثبت کیس سامنے آئے جن میں خطے کے کل 1875 کیسوں میں سے 10 مسافر شامل ہیں" ۔