خانقاہ معلی میں زائرین کیلئے مفت طبی کیمپ کا اہتمام

سرینگر // خانقاہ معلی سرینگر میں جی آر بیگ میموریل ٹرسٹ کی جانب سے عرس شاہمدان ؒ کے سلسلے میں ایک روزہ مف طبی کیمپ اہتمام کیا گیا جس میں مریضوںکے علاج معالجے کے علاوہ مفت ادویات فراہم کی گئیں ۔ جی آر بیگ میموریل ٹرسٹ سرپرست اعلی ٰفاطمہ رسول بیگ کی ہدایت پر عرس شاہمدان ؒکے سلسلے میں سنیچر کو خانقاہ معلی کلاشپورہ سرینگر میں ایک مفت طبی کیمپ منعقد کیا گیا جس میں ماہر ڈاکٹروں نے500 مریضوں کا علاج ومعالجہ کر کے ہزاروں روپے مالیت کی اداویات تقسیم کیں۔ طبی کیمپ میںنجی اسپتال الشفا ء مگر مل باغ سرینگر نے ٹرسٹ کی معاونت کی ۔ اس دوران ٹرسٹ نے  2غریب لڑکیوں بتول منظور شاہ اور فلک جان مغل ساکنان خانقاہ معلی سرینگرکی کفالت کرنے کی ذمہ داری اپنی سر لی ہے ۔اس پہلے بھی ٹرسٹ نے کرگل علاقے سے تعلق رکھنے والی ایک یتیم بچی کو گود لیا تھا ۔کیمپ میںسابق ڈائریکٹر جنرل ٹورزم اورجموں وکشمیر چپٹر کے چیئر مین محمد سلیم بیگ نے مہمان خصوصی تھے ۔ زائرین نے ٹرسٹ کی اس کوشش کی سراہنا کی ہے ۔