یو این آئی
نئی دہلی//جی ایس ٹی کونسل کی 53 ویں میٹنگ 22 جون کو راجدھانی میں وزیر خزانہ نرملا سیتا رمن کی صدارت میں ہوگی جس میں گڈس اینڈ سروس ٹیکس پر مکمل مرکزی بجٹ سے پہلے بحث کی جائے گی۔ رواں مالی سال جولائی میں پیش کیے جانے کا امکان ہے ۔جی ایس ٹی کونسل سکریٹریٹ نے ٹویٹر پر ایک پوسٹ میں کہا، “جی ایس ٹی کونسل کی 53ویں میٹنگ 22 جون کو نئی دہلی میں ہوگی۔دریں اثنا، ذرائع نے کہا کہ تمام ریاستوں اور مرکز کے زیر انتظام علاقوں کے وزرائے خزانہ پر مشتمل جی ایس ٹی کونسل بعض اشیاء پر الٹا ٹیکس ڈھانچہ کو معقول بنانے پر غور کرسکتی ہے جہاں ان پٹ پر ٹیکس تیار مصنوعات سے زیادہ ہے ۔ یہ مینوفیکچرنگ میں رکاوٹ ہے ۔کونسل صارفین پر مہنگائی کے بوجھ کو مدنظر رکھتے ہوئے کچھ ٹیکسوں میں تبدیلی کی ضرورت پر بھی غور کر سکتی ہے ۔
