سرینگر //جموں و کشمیر میںپچھلے 24گھنٹوں کے دوران کورونا وائرس کی تشخیص کیلئے 36ہزار 117ٹیسٹ کئے گئے جن میں 3مسافروں سمیت مزید 15افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 53ہزار 520ہوگئی ہے۔ اس دوران جموں و کشمیر میں مسلسل 5ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4750بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے 15افراد متاثر ہوئے ہیں جن میں جموں میں 8جبکہ 7کشمیر میں متاثر ہوئے ہیں۔ کشمیر صوبے کے بارہمولہ، اننت ناگ،گاندربل، شوپیان، پلوامہ، بانڈی پورہ اور کولگام میں کسی کی رپورٹ مثبت نہیں آئی ہے جبکہ دیگر 3اضلاع میں 7افراد کو مثبت قرار دیا گیا ہے۔ کشمیر میں مثبت قرار دئے گئے 7افراد میں 3بیرون ریاستوں سے سفر کرکے کشمیر لوٹے جبکہ دیگر 4افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر میں 7افراد میں سرینگر میں 4،بڈگام میں 2جبکہ کپوارہ میں ایک کی رپورٹ مثبت آئی ہے۔ کشمیر میں متاثرین کی مجموعی تعداد 2لاکھ 87ہزار 304ہوگئی ہے۔ اس دوران کشمیر میں مسلسل 23دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2423بنی ہوئی ہے۔ جموں صوبے کے سانبہ، پونچھ، ریاسی،ڈوڈہ اوررام بن میں کسی کی رپورٹ مثبت نہیں آئی ہے جبکہ دیگر 5اضلاع میں 8افراد کی رپورٹی مثبت آئی ہیں۔ جموں صوبے میں مثبت قرار دئے گئے 8افراد میں ضلع جموں میں 2، ادھمپور میں1، راجوری میں 3، کٹھوعہ میں 1 اور کشتواڑ میں ایک شخص کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 66ہزار 216تک پہنچ گئی ہے۔ جموں صوبے میں مسلسل 5ویں د ن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2327بنی ہوئی ہے۔
ملک میں 2528مثبت
نئی دہلی//یو این آئی// ملک میں کورونا وائرس کے کیسز میں مسلسل کمی کے درمیان گزشتہ دن ایکٹو کیسز 1618 کم ہو کر 29 ہزار 181ہو گئے ہیں۔ مرکزی وزارت برائے صحت اورخاندانی بہبود نے جمعہ کوبتایا کہ کل صبح 7بجے تک 180 کروڑ 97 لاکھ 94 ہزار 588 کووڈ ٹیکے لگائے گئے ۔ وزارت کے مطابق گزشتہ 24 گھنٹوں میں کووڈ انفیکشن کے دو ہزار 528 نئے کیسز سامنے آئے ہیں ۔ اس کے ساتھ ہی ملک میں کورونا کے مریضوں کی تعداد 29 ہزار 181 ہو گئی ہے ۔ یہ کیسز کا 0.07 فیصد ہے ۔ انفیکشن یومیہ کیسز کی شرح 0.40 فیصد تک پہنچ گئی ہے ۔اسی دوران میں تین ہزار 997 لوگ کووڈ سے صحتیاب ہوئے ہیں ۔ اب تک کل چار کروڑ 24 لاکھ 58 ہزار 543 لوگ کووڈ سے صحت یاب ہو چکے ہیں۔ شفایابی کی شرح 98.73 فیصد ہے ۔
