کپوارہ// درگمولہ کپوارہ کے مضافات رڈبگ میں ایک خونخوار تیندوے نے کئی طالب علمو ں پر حملہ کر کے انہیں زخمی کر دیا ۔عینی شاہدین کا کہنا ہے کہ رڈ بگ درگمولہ کے آٹھویں جماعت کے طالب علم دانش احمد لون ولد ریاض احمد اور شاکر احمد ماگرے ولد محمد اشرف بدھ کو اپنی پڑھائی کے لئے کوچنگ سنٹر جارہے تھے تو اس دوران کیگام کے نزدیک راستے میں ایک خونخوار تیندوے نے ان پر حملہ کیا ۔بتایا جاتا ہے کہ دونو ں طالب علمو ں نے شور مچایا تو آس پاس کے لوگ اپنے ہاتھو ں میں کلہا ڑیا ں اور ڈنڈے لئے جائے واردات کی طرف دوڑ پڑے اور خون خوار تیندوے کا تعاقب کر کے طالب علمو ںکو اس کے چنگل سے آ زاد کیا ۔لوگوں نے خون میں لت پت دونو ں طالب علمو ں کو مقامی اسپتال میں علاج و معالجہ کے لئے دا خل کیا ۔مقامی لوگو ں نے محکمہ وائلڈ لائف سے مطالبہ کیا کہ وہ علاقہ میں اس خونخوار تیندوے کو قابو میں کرنے کے لئے ایک جال بچھائیں تاکہ علاقہ کے لوگ کسی خوف کے بغیر چل سکیں ۔
تیندوے کا طالب علموں پر حملہ
