تیسرے دن بھی کورونا متاثرین تعداد 1000سے کم|681متاثر، 4فوت

سرینگر //جموں و کشمیر میں مسلسل تیسرے دن بھی کورونا وائرس سے روزانہ متاثر ہونے والے افراد کی تعداد 1000سے کم ہے۔ پچھلے 24گھنٹوں کے دوران کورونا وائرس کی تشخیص کیلئے74ہزار 878ٹیسٹ کئے گئے جن میں 33سفر کرنے والوں سمیت مزید 681افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 48ہزار 786ہوگئی ہے۔ اس دوران جموں و کشمیر میں کورونا وائرس سے  مزید 4افراد فوت ہوگئے۔ متوفین کی مجموعی تعداد 4732ہوگئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے 681افراد ،متاثر ہوئے ہیں جن میں جموں میں 359 جبکہ کشمیر میں 322افراد متاثر ہوئے ہیں۔ کشمیر صوبے میں مثبت قرار دئے گئے 322افراد میں 4بیرون ریاستوں سے سفر کرکے وادی پہنچے جبکہ دیگر 318افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر میں متاثر ہونے والے 322افراد میں سرینگر میں 139، بارہمولہ میں 39، بڈگام میں 39، پلوامہ میں 10، کپوارہ میں 30، اننت ناگ میں 16، بانڈی پورہ میں 10، گاندربل میں 20، کولگام میں 11 جبکہ شوپیان میں 8افراد کی رپورٹیں مثبت آئی ہیں۔ وادی میں متاثرین کی مجموعی تعداد 2لاکھ 85ہزار 429ہوگئی ہے۔ اس دوران وادی میں کورونا وائرس سے مزید 4افراد فوت ہوگئے۔ مرنے والوں میں  ایک سرینگر، ایک بارہمولہ، ایک بڑگام اور ایک کپوارہ میں فوت ہوگیا ہے۔ وادی میں متوفین کی مجموعی تعداد 2416ہوگئی ہے۔ جموں صوبے میں کورونا وائرس سے مزید 359افراد متاثر ہوئے ہیں جن میں 29 بیرون ریاستوں سے سفر کرکے جموں پہنچے جبکہ دیگر 330افراد مقامی سطح پر رابطے میں آنے کی وجہ سے متاثر ہوئے ہیں۔ جموں صوبے میں مثبت قرار دئے گئے 359افراد میں جموںمیں 184، ادھمپور میں 15، راجوری میں 12، ڈوڈہ میں 80، کٹھوعہ میں 36، سانبہ میں 8،کشتواڑ میں 5، پونچھ میں 9، رام بن میں 9 جبکہ ریاسی میں 1کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 63ہزار 357ہوگئی ہے۔ اس دوران جموں صوبے میں 5جنوری کے بعد پہلی مرتبہ کورونا وائرس سے ہونے والی اموات کا سلسلہ تھم گیا ہے۔ بدھ کو پہلی مرتبہ جموں صوبے میں کورونا وائرس سے کسی کی موت نہیں ہوئی ہے۔ جموں صوبے میں متوفین کی مجموعی تعداد 2316ہوگئی ہے۔    
 
 

ملک میں مزید 1217 ہلاکتیں

۔24گھنٹوں میں 71ہزار 365معاملات

یو این آئی
 
نئی دہلی// ملک میں گزشتہ 24 گھنٹوں کے دوران کورونا انفیکشن کے 71,365 نئے معاملے سامنے آئے ہیں، جس سے کیسوں کی کل تعداد 4,24,10,976 ہو گئی ہے۔ اس دوران 1,72,211 مریضوں نے کورونا کو شکست دی، جس کے ساتھ ہی ملک میں اب تک صحت یاب ہونے والے مریضوں کی تعداد 4,10,12,869 ہو گئی ہے ۔ اس کے ساتھ ہی مزید 1217 افراد کی موت کے بعد پورے ملک میں کورونا سے ہلاک ہونے والوں کی تعداد 5,05,279 تک پہنچ گئی ہے۔ منگل کو ملک میں 53,61,099 افراد کو کورونا سے بچاؤ کے ٹیکے لگائے گئے ۔ اس کے ساتھ یہاں اب تک 1,70,87,06,705 ویکسین لگائی جا چکی ہیں۔