جموں//سابق مرکزی وزیر غلام نبی آزاد، جو اپوزیشن پارٹی کے جی 23 کے رکن ہیں، نے اتوار کو 1990 کے کشمیریوں کے اخراج اور ہلاکتوں کا ذکر کرتے ہوئے کہا کہ کانگریس سمیت تمام سیاسی جماعتیں مختلف بنیادوں پر لوگوں میں تقسیم پیدا کررہی ہیں۔
اُنہوں نے کہا کہ وادی میں پنڈتوں کیساتھ جو کچھ ہوا اس کے لیے پاکستان اور دہشت گردذمہ دار ہیں۔
آزاد کا یہ تبصرہ فلم ’دی کشمیر فائلز‘ پر جاری تنازعہ کے پس منظر میں آیا۔
اسی دوران آزاد نے کہا ، " سیاسی جماعتیں مذہب، ذات پات اور دیگر چیزوں کی بنیاد پر (لوگوں کے درمیان) تقسیم پیدا کر رہی ہیں۔ میں کسی بھی پارٹی کو معاف نہیں کر رہا ہوں، بشمول میری پارٹی(کانگریس)۔ سول سوسائٹی کو اتحاد کیساتھ ساتھ رہنا چاہیے۔ بلا امتیاز ذات پات، مذہب سب کو انصاف ملنا چاہیے"۔
انہوں نے زور دیا کہ ’’مہاتما گاندھی سب سے بڑے ہندو اور سیکولر تھے‘‘۔
جموں میں ایک خطاب کے دوران آزاد نے کہا، " جموں و کشمیر میں جو کچھ ہوا ہے اس کے ذمہ دار پاکستان اور عسکریت پسند ہیں۔ اس نے جموں اور کشمیر میں بشمول ہندو، کشمیری پنڈت، مسلمان، ڈوگرہ سبھی کو متاثر کیا ہے"۔
آزاد نے کہا کہ بی جے پی پارلیمانی پارٹی کے اجلاس میں وزیر اعظم نریندر مودی نے فلم کے لیے اپنی حمایت کا اظہار کیا۔ انہوں نے کہا کہ اس کے زریعے ایک مخصوص طبقے کو بدنام کرنے کی کوشش کی جا رہی ہے۔
