جگدل پو//یو این آئی// تلنگانہ اور چھتیس گڑھ کی سرحد سے متصل بستر کے بیجاپور اور سکما اضلاع میں کل صبح دو الگ الگ انکاؤنٹر میں دو خواتین سمیت پانچ ماؤ نواز ہلاک ہوئے ۔ اس دوران ایک جوان زخمی بھی ہوا،۔پولیس کے مطابق تلنگانہ اور چھتیس گڑھ کے سرحدی علاقے تھانہ پیرور، المڑی اور اسورکے تحت پہاڑی علاقے میں تلنگانہ اسٹیٹ کمیٹی کے سینئر ماؤنواز لیڈر سدھاکر ڈی وی سی ایم سمیت وینکٹ پورم اے سی ایم سمیت تقریباً 40-50 مسلح ماؤنوازوں کی موجودگی کی اطلاع پر تلنگانہ کی گریہاؤنڈز فورس اور بیجاپور ضلع سے ڈی آر جی اور سی آر پی ایف کے دستے روانہ کیے گئے ۔جس دوران علاقے میں سیکورٹی فورسز اور ماؤنوازوں کے درمیان تصادم ہوا۔ تصادم کے بعد جائے وقوعہ کی تلاشی کے دوران 4 ماؤنوازوں کی لاشیں برآمد کی گئیں جن میں ایک خاتون ماؤنواز بھی شامل ہیں۔ اس تصادم میں ایک گریہاؤنڈز کا جوان زخمی ہوگیا، جسے علاج کے لیے ہیلی کاپٹر سے ائیر لیفٹ کرکے ورنگل اسپتال میں داخل کرایا گیا، جہاں اس کا علاج کیا جارہا ہے ۔
تلنگانہ۔چھتیس گڑھ سرحد پر جھڑپیں | 2خواتین سمیت5ماونواز ہلاک،ایک اہلکار زخمی
