اننت ناگ//مال ، امداد ، باز آباد کاری اور تعمیر نو کے وزیر عبدالرحمان ویری نے ضلع اننت ناگ میں ترقیاتی منظرنامے کا جائزہ لیا۔میٹنگ میں ڈپٹی کمشنر اننت ناگ محمد یوسف ملک ، ایس ای آر اینڈ بی، اے ڈی سی ، اے سی آر ، ایس ڈی ایم ، تحصیلدار و دیگر افسران موجود تھے۔وزیر نے اس موقعہ پر افسروں کو ہدایت دی کہ وہ مختلف ترقیاتی کاموں کو مکمل کرنے میں سرعت لائیں تاکہ ان پروجیکٹوں کا فائدہ لوگوں کو وقت پر ملے ۔اس موقعہ پر وزیر کو بتایا گیا کہ ضلع میں 396.50 کلومیٹر سڑک پر میکڈم بچھایا گیا جس میں وزیر اعلیٰ کی ہدایت کے تحت 36.50کلومیٹر سڑک بھی شامل ہے ۔ وزیرنے سنگم سے سری گفوارہ تک سڑک کی کشادگی اور اَپ گریڈیشن مٹن۔ اکورہ۔ پشکری سڑک سے ہوگام۔ نامبل ، مٹن ۔اچھہ بل سڑک ،بائی پاس مہندی کدل سے اشاجی پورہ ، ویری ناگ ۔کپرن سڑک ،برنگی نہر کے ساتھ جانے والی سڑک لارکی پورہ ۔ زالڈورہ لسر سڑک ، سیر ۔ ہاپت ناڑ سڑک ، برکہ پورہ ۔کنگن ہال۔چترگل سڑک ، کھنہ بل ۔ پہلگام سڑک اور ضلع اننت کے قومی شاہراہ کی چار گلیاروں والی سڑک پر جاری تعمیراتی کاموں کا جائزہ لیا۔ویری نے افسروں کو ہدایت دی کہ وہ ضلع میں جاری ترقیاتی کاموں کی رفتار میں سرعت لائیں۔انہوںنے ضلع میں دیگر سیکٹروں جیسے بجلی ، پینے کے پانی ، صحت ، تعلیم ، سماجی بہبود کے پروگراموں پر جاری عمل آوری کا بھی جائزہ لیا اور متعلقہ افسران کو ہدایت دی کہ وہ اپنے فرائض منصبی تند دہی اور جذبے سے انجام دیں تاکہ حکومت کی طرف سے چلائی جارہی مختلف ترقیاتی و تعمیراتی سکیموں کا فائدہ لوگوں تک پہنچے۔
ترقیاتی کاموں کی رفتار میں سرعت لائیں:ویری
