بلڈ کینسر کے مریض کاہڈیوں کاگود تبدیل سکمزصورہ میں کامیاب جراحی

 سرینگر //شیر کشمیر انسٹی چیوٹ آف میڈیکل سائنسز صورہ کے شعبہ کلینکل ہیمٹولوجی نے بلڈ کینسر میں مبتلا مریض کے ہڈیوں کا گودا تبدیل کردیا ہے۔ ڈائریکٹر سکمز اے جی آہنگر نے شعبہ کلینکل ہیمٹولوجی کی کوششوں کو سراہتے  ہوئے کہا کہ اس منفرد ٹرانسپلانٹ سے غریب مریضوں کو فائدہ پہنچے گا۔ انہوں نے کہا کہ سکمز صورہ ہمیشہ سے ہی منفر جراحیاں انجام دینے اور مریضوں کو بہترین علاج فراہم کرنے میں ثابت قدم رہا ہے۔ شعبہ کلینکل ہیمٹولوجی کے سربراہ جاوید رسول بٹ نے بتایا کہ بارہمولہ سے تعلق رکھنے والے ایک 30سالہ نوجوان میں بلڈ کینسر کی تصدیق اگست 2020میں ہوئی تھی۔  انہوں نے کہا کہ مریض کو کیموتھرپی دی گئی لیکن اس کی بیماری میں کوئی فرق نہیں آیا۔ انہوں نے کہا کہ بعد میں مریض کو مزید ہائی ڈوذ کیمو تھرپی دی گئیں جس کے بعد اسکی بیماری قابو میں آئی۔  انہوں نے کہا کہ بلڈ کینسر ہونے کی وجہ سے مریض کو بتایا گیا کہ اس کا اصل علاج  ہڈیوں کے گودے کی تبدیلی ہے۔ انہوں نے کہا کہ خوش قسمتی سے اس کے بھائی کے ہڈیوں کاگودا مل گیا اور مریض کا 5فروری کو ہڈیوں کا گودا  تبدیل کیا گیا ۔  انہوں نے کہا کہ مریض کی حالت اب مستحکم ہے اور لگاتار اسپتال ملاحظہ کیلئے آتا ہے۔  انہوں نے کہا کہ اس سے اُمید بڑھ گئی ہے کہ غریب مریضوں کے ہڈیوں کاگودا کشمیر میں ہی تبدیل  ہوگا۔ یہ بات قابل ذکر ہے کہ اس سے قبل میں شعبہ کلینکل ہیموٹولوجی نے کئی مریضوں کا بون میرو ٹرانسپلانٹ کیا ہے۔