بانڈی پورہ میںکشمیر کرکٹ چیمپئن شپ | الفا ٹریڈنگ نے فائنل جیت لیا

بانڈی پورہ// کشمیر کرکٹ چیمپئن شپ کا فائنل میچ ایس کے اسٹیڈیم بانڈی پورہ میںکھیلا گیا ۔ڈپٹی کمشنر بانڈی پورہ، ڈاکٹر اویس احمد اس موقع پر مہمان خصوصی تھے۔چیمپئن شپ کا انعقاد ہاشمی کرکٹ کلب نے علی کی اسپورٹس اکیڈمی بانڈی پورہ کے اشتراک سے کیا تھا۔چیمپئن شپ میں 48 ٹیموں نے حصہ لیا اور فائنل الفا ٹریڈنگ اور بانڈی پورہ نائٹس کے درمیان کھیلا گیا۔ الفا ٹریڈنگ نے فائنل جیت لیا اور اسے نقد انعام سے نوازا گیا۔اس موقع پر خطاب کرتے ہوئے ڈی سی نے کہا کہ انتظامیہ ضلع میں ہر قسم کی کھیلوں کی سرگرمیوں میں نوجوانوں کو سہولت فراہم کرنے کے لیے کھیلوں کا بنیادی ڈھانچہ تیار کرنے کے لیے پرعزم ہے۔اس موقع پر پدم شری فیصل علی ڈار، چیئرمین ایم سی بانڈی پورہ، سینئر اسپورٹس پرسن اور دیگر متعلقہ افراد بھی موجود تھے۔